行李永遠執不完。

明明已經寄左一個大行李點解仲可以有咁多野未執…
重點是個行李箱已經再放不下東西喇！！！

仲有手提一個大袋同埋一個小背囊…

我諗緊要唔要再加多個手抽袋呢(毆)

呢家只係希望聽日
1) 好天唔落雨
2) 唔好肚痛，一直開開心心坐到大阪等人接
3) 聽朝準時起身執埋D日用品然後準時出發

定係其實我應該今晚唔好訓咁聽日一上車就自然會訓啦？？
因為平時我實在唔慣坐車訓覺，安心唔落，所以唯有迫自己好累先得啦。

但我今日特登買左本KERA諗住上車時睇(笑)
  同埋差定電如果太悶可以開機打下REPORT(笑)

聽埋京京就去訓~OYASUMI！

2010.9.26 ANGELO LIVE REPORT

2010年9月26日（日）
ANGELO LVE HOUSE TOUR 2010 UNDERGROUND INFECTION @ ZEPP TOKYO

SETLIST：(BOLD了的是私心大愛！)
Prelude
PANDEMIC
SISTER
薔薇の花
極楽鳥
DANCE

タケオ＆コータセッション

薄紅の欠片
El Dorado
Speak to deep colors
FATE
NEO HADES
HOLOCAUST
ULTIMATE WORD
MULTI PERSONALITY
MICRO WAVE SLIDER
REBORN

ENCORE
結晶
CEREMONY
Last song
CHAOTIC BELL
SQUALL
SCRAP

等左十年終於第一次見KIKI真身！！！！！(心心心)
出發前已經勁聽ANGELO來溫習(笑)，一想到MERO話唔識KIKI睇完都覺得佢地好正就好有期待！仲有因為會見到村姑同村妹呀！終於唔係一個人去睇LIVE(哭)！不過冇去排GOODS所以4點開場先去到…好在村姑好快就搵到我，但我要唱錢去租locker同埋比入場個drink代！然後村姑送左一樣好不得了的禮物比我啊！留返最後先揭曉！！

4點開始是fc番號入場先，入左都成千幾人，之後到a飛，之後先到我地b飛…入到去都仲可以揀位，我地企左kohta那邊我第3欄左右，入面都幾鬆動啊，東京都冇soldout到，不過可能因為地方有追加所以d人冇上京啦。準時5點就開場，場的左右兩邊都放有兩把大旗，真係好期望kiki會fing大旗架！上面就有個吊燈，後面就係寫住今次tour名的banner。雖然我地唔係企最前，但係前面d人都唔高，冇咩高既人，呢一點實在太好XDD由於大家都未睇過angelo所以都唔知沖唔沖上去好，不過為左清楚睇到kiki我地都係冇沖上去架。其實我都唔係好熟angelo d歌，都係聽開single個幾首，但係估唔到第二首佢就唱「sister」！！真係叫左出來啊！！超鐘意，之後仲要有「bara no hana」，又係十個想聽的歌！所以一開始就已經可以好投入喇！而且我地個位真係睇得好清楚，見到kiki做好多小動作真係覺得佢好可愛！！！唯一唔係好慣就係平時叫開佢做kiki但係叫佢時要叫返kirito (笑)！
kohta同TAKEO的合奏好有型，不過我一直都唔記得左TAKEO的存在，到佢打完之後我先醒起原來佢都係ANGELO XDDD更意想不到的是竟然之後會唱「薄紅」！！！之後隱約記得係唱左兩首新的SINGLE，然後KIKI不時都有MC~D FANS其實好冷靜，點講呢，佢地唔會沖上前面，又唔會不時大叫(係有叫不過叫兩下就算)，之反聽村姑講返先知原來呢d都係佢地的manner，總之係正常的XDDD同埋有一下係kiki叫大家安靜的時候好有型，一舉手ja實拳頭大家就靜曬真係好有大佬feel呀(笑)！！係wo，出站的時候見到好多切人一家的衫，真係好壯觀架！！！仲有個d樂屋破壞同埋恫喝，真係好嚇人XDD 雖然好多歌都唔熟，平時又覺得首首都差唔多，但係去到LIVE真係首首都好好聽！最重要係KIKI的LIVE真係好得！！雖然村姑話佢都有少少唱錯歌詞不過我唔發現到XDD 不愧係我最鐘意的4K VOCAL之一，LIVE的功力真係好好！每一粒聲都好完美啊！！無論係唱，吼，叫，高低音，都好好聽，比CD好聽好多倍！同埋D樂器仲有SOUND都夾得好好，冇咩爆聲，唔會聽得好唔舒服！真係要讚！

話咁快就本番完結，基本上汗都冇出過半點XDD一來個位好大風二來冇咩跳過！只係做FURI~ 然後有MEMBER介紹，好多BAND呢家都冇呢個環節！首先係TAKEO，佢話因為太開心，所以個腦一片空白，希望大家都可以好似佢咁XDD KOHTA就話今日都好開心，同埋今日冇咩出汗(佢出左名勁大汗)，另一個結他手TORU就講左好少野咋…之後KIKI！佢講左好多野！KIKI話雖然之後有追加但今日都會全力以赴！所以之後大阪個場唱到第二首就會開始軟LAI LAI (好可愛呀！)！！同埋佢話佢以後都會KEEP住KICHIKAI，YES I LOVE IT XDDD 佢真係可以同PAPA做FD因為佢兩個都成日講D冷笑話，HAHA，真係唔識點答佢好！ 之後encore竟然仲唱左「chaotic bell」真係估唔到啊~最後兩首歌終於係大家落力headbang的時間！一bang的時候我前面就會好清楚XDDD 大概7點半左右就完結，返回後台以前大家都講左好多野啊！好有愛！KIKI係最後一個返入去架~多謝你呀(心心心)！！

一出去，竟然落緊雨！好凍呀！即刻去拎野飲先，原來係樽裝飲品仲有送條繩比你掛！好正WO！順帶一提其實當日我個LOCKER係069架！哈哈！拎完野就同村姑佢地一齊搭車走LU~村姑仲借D GOODS我睇，個切人糖個盒真係幾靚！不過佢買左3盒都儲唔齊個十個樣！

呢場LIVE對我來講真係好有意義，本身我都猶疑左好耐究竟買唔買飛，因為佢真係比一般貴，場地又遠，又唔係好熟D歌，最驚係見到kiki時個心情會好複雜…畢竟目前為止除左dir就係pierrot陪住我大，之後先係papa，到呢家都仲係好好好鐘意pierrot！但係真心覺得有來看實在太好，仲係可以同村姑一齊睇！如果自己一個睇應該會差好多，雖然同平時睇開的live感覺有些不同，但係都好開心，以一個live來說可以比100分！仲要KIKI唱左好多我好鐘意又冇EXPECT過會唱的歌！所以真係好滿足！好期待再次聽到kiki唱live，真心覺得只要可以繼續見到佢唱歌就已經好足夠，遲d出大碟一定會去買啊！！！

然後村姑送比我的係2001年dir fc a knot的年賀卡！！！真係好經典啊！話說個時佢仲係a knot member XDDDD多謝村姑(心心心)！！原來村姑以前住我過多兩個站，之後再過多幾個站就係村田兄弟的故鄉…你是特登揀呢邊住的吧XDDDD

下次會在大阪見嗎？(笑)

it's a rainy day。

經過我幾小時的努力，終於執好曬個大行李，順手見冇落雨就拎去附近的郵局度寄埋！本身想用黑貓yamato宅急便，不過好似又要登記又唔知點，都係決定用日本郵政的服務，自己拎去寄仲可以平100yen架！好在都唔係好遠，10分鐘就到，而且原來個gip冇過大又冇過重，170yen就可以寄去大阪喇！送到你屋企，又會通知你送貨，仲可以指定日期同時間，真係好方便！我地呢家9月30日就會搭JR公司的premium日間特急巴士去大阪，大概8點左右出發，下午6點前應該會到！然後約左那邊的負責人到車站接我地，希望一切順利！

請返呢兩日的節目，25號去cc lemon hall睇little hearts的兩週年anniversary live，26號就同村姑同村妹去zepp tokyo睇angelo one man(repo 後補)，琴日終於可以同vava佢地去街玩喇！！

琴日最主要的節目就係去VAVA佢地激讚的執事CAFE！相信大家都有睇黑執事啦？唔洗我解釋咩係執事喇(笑)。其實之前佢兩個已經去過一次(就兩星期前而已！)，但佢地話太正喇，一定要去多次，咁今次我就跟埋佢地去見識一下啦。佢地揀個間執事CAFE是位於池袋的(村姑：乜唔係秋葉原架咩？)，係，我都唔知點解，不過佢地話呢間上網多人講又有人去過，所以揀呢度。ANYWAYS~琴日起身大家都好緊張呀，執到四四正正咁去，因為去到D執事都會叫你做大小姐，哈哈，我地要投入角色入面喇！

以藍黑為主的執事CAFE~地點是在池袋BRANDX斜對面再行前少少的位置。由於太受歡迎，要早15日前預約架！同埋每次大概是80分鐘，剛好夠你食完一餐，晚餐的話時間會長D不過都較D。我地就揀左兩點半的TEA TIME！佢有限制就係每人麵要點一個SET，最低係2500，我就跟佢地點左佢地上次都有點的英式下午茶，即係有3層碟個隻。第一層係是日甜品，有一口芝士蛋糕+一杯青蘋果JELLY+一個小的栗子味MACCORON。第二層就係鬆餅，有4個口味可以揀(原味，紅茶，古古力CHIPS或者HONEY)，我揀左古古力，之後可以揀兩個醬，本日的醬係栗子味，咁我揀左呢個同埋另一個係生CREAM~仲可以有士多啤梨JAM同埋一個好似牛油的CREAM可以揀。最底層就係熱食的TART，本身有4種味(四川辣蝦風，美式三文魚風，沖繩唔知咩咩風同日式燒雞風)，因為沖繩賣曬咁我就揀左日式燒雞風！好食呀呢個真係，夠熱又香個皮又脆！另外仲可以揀飲品，太多不能盡錄，我地就揀左BIRTHDAY TEA，跟月份的，本身8月份係PEACH，但我唔想飲PEACH WO，又想飲7月個荔枝，但最後我揀左6月的芒果味！KAREN個杯好草味XDDD飲呢D茶都係要落少少糖先好味，唔係就會太澀。

掛住講食都冇講到執事CAFE的服務TIM！

首先門口已經企左個好似漫畫入面的管家大哥的人物XDDDD佢拎住本登記薄真係好似黑執事入面同錫巴搞對抗個個死神啊XDDDD但佢真係企得好挺胸收腹！佢地假設你係大小姐返到屋企咁，一入門有條走廊先，之後有個老管家會出來歡迎你，每個都會自我介紹，老伯真係好有趣好好笑容啊，之後有個後生D的執事就企O係度等我地，佢就係今日負責照顧我地既執事喇！係一個高高瘦瘦帶眼鏡又面尖尖的哥仔！要形容的話係似櫻蘭個鏡夜(STYLE)，但係唔腹黑！佢全程都笑容滿面架！佢叫做伊織呀(IORI我聽到)！
呀，呢度提一提我係除低左件外套架，咁老管家就會幫我收去衣櫃，之後伊織就帶我地去我地個位，佢竟然比個最入面的靚位我地！根據老管家形容，呢度係個GOOD VIEW XDDD 飲茶時佢會幫你倒，你食完一層之後就可以換鈴叫佢幫你拎第二層的碟，一坐底拎住MENU時佢仲會由頭同你地解釋一次，好似上堂咁！最勁就係你如果要去廁所係唔可以自己行去，一定要叫佢帶你去同埋幫你拎袋！去完廁所要企O係門口等佢地見到你，之後帶你返位…上次朋友自己走返去佢比人話「小姐！你咁樣好危險架！」XDDDD所以今次我地就乖乖地等人來接…哪怕其實我地張檯只係轉左手邊3秒就到XDDDDDD
同埋你係可以同你個執事傾計架，不過琴日我地全程都自己傾，冇同伊織傾，佢又冇走來同我地傾…都有O既問過幾句咁啦，老管家都有走過來呀，佢轉班時仲同我地講聲先走，好SWEET呀！同埋有時負責自己檯的執事行開左的話，其他執事經過都會幫手，總之佢地見到就會做，唔會扮睇唔到。之後！正當唔見左伊織的同時，我地去廁所既時候就有個細細粒好得的執左O黎接我地！佢見到VAVA個袋係JILL 佢就同佢講「我都鐘意JILL架WO！」之後仍又好笑容，又得意，又走來同我地傾計，佢話佢都有其他客人係由台灣個D黎，之後佢又提我地得返3分鐘左右時間，咁我地又未飲曬D茶，我咪講笑話咁等我一口氣飲曬佢先啦！之後佢話「咁又唔洗格硬，慢慢飲啦」，真係好可愛(笑)！咁夠鐘走你都唔可以自己走，佢地會有人送你出門，仲有佢會幫我著返件外套架！其實抱住去放鬆下同埋見識下的心情去食個TEA，真係幾好的！當然唔可以成日來啦！同埋D客都有男有女架！唯一係唔可以O係入面用電話同埋影相，所以呢…都係留返大家自己去試下啦！
同埋真心覺得，雖然入面唔係全都係靚仔，講外貌的話可以用參差來形容，但係佢地的服務真係做到好足，就算唔係自己個檯，只要經語都會裝下各位小姐有冇咩需要，我覺得呢D係平時都應該要有的服務態度！如果以同一人工來計，黎呢度做就好似優差，環境靚，D客又好(至多係麻煩但唔會鬧人)，有限時又輕鬆D，又乾淨，真係正呀…可惜只係請男仔…佢連洗碗都只係請男仔咋…HAHA。

出返去出面，橫風橫雨，真係當堂感受到個溫差…世態炎涼(用法不當)XDDD

之後去隔離SUNSHINE CITY上面的NAMCO THEME PARK，因為入面有期間限定的黑執事食品發售，友人咁鐘意黑執事就梗係要入去睇下啦！主要namco park分左4部份，2樓係全國餃子館同埋鬼屋，3樓就有美式街道，入面有全國雪糕館同埋甜品王國。而為左黑執事的展覽而推出的食品就由入面每一間店舖自己設計，有d都真係好別出心裁架！當然就會比一般價格貴d，但會送個postcard比你，最絕係每一家都有獨自的款式，嘿，好坑錢啊(毆)！

餃子館係昭和風的佈境，入去影相都幾好玩，同埋佢有得比你買個pass去探險，但我地就冇買啦~太貴了，所以有好多野都玩唔到呀~然後入去鬼屋，開始行左冇耐佢地就話好驚，之後一野就出返去XDDD之後KAREN買左個黑執事的雪糕~VAVA就買左個芭菲，只係睇佢地D手功都正呀。仲見到有個炒雪糕的陽光哥仔，好靚仔呀！！！行完都差不多7點幾，再去另一邊出口行下，咁都比我地搵到屯CHIN，不過冇食LU~琴晚就返來煮咖哩，呢兩日要清埋D野食佢！

出發那天請給我好天氣。

已經落左好耐雨，今朝又行雷閃電喇…不過好在呢家用到internet，唔通因為少人用所以我先用到？琴晚真係搞左幾粒鐘都唔得…anyways…希望呢兩日都會用得到啦。

呢家執緊行李…好多野呀拎拎埋埋點算？究竟我個行李寄唔寄得成功呢？？
仲有兩日就落大阪，好在都搵到屋，不過點都好，都冇得返轉頭架喇！加油！

同埋呢度既瀏覽人次已經突破左400大關喇！！！！！

但係點解咁少留言既？

我成日都上唔到網。

真係人都癲喇！！！！！

搞極都唔得，都唔知咩問題。
過多兩日就落大阪都唔比我玩多幾日…討厭呀！

samui_yo_。

明明只是台風關係可是氣溫卻驟降到只得十幾度！！！而且還要下雨！！好凍啊！！
前一天外出差點冷親，琴日就著左dir hoodie出去，因為真係好凍呀，但都只係剛剛好，有d大風起來都會係好凍。同埋呢兩日電話成日都收唔到，係咪天氣影響？
琴日同朋友去涉谷食味之時計台，平時都係食上野個間，今次第一次去涉谷呢間食！都係鐘意佢個湯底夠熱！食完去上野行街，每次都想將成個街市的野掃曬返屋企呀！！之後去新宿食飯，根據旅遊書顯示，有間叫「東方見聞錄」的餐廳好像還不錯，於是就上去等一等！要比喻的話應該係和民個種居酒屋，以小吃為主，而且環境也不錯，最方便是有touch screen的menu，想點什麼隨時自己入單就可以，方便得很，連免費的熱茶也是用這個落單，比起你舉手叫極都冇人回應的餐廳實在好得多。同埋d野食都好食呀！有機會會再去食，佢有好多分店架！之後去行激安之殿堂，買左個紅豆栗子味的MONICA~好好食！

然後琴晚返到來就同亞妹鬧交，仲要係三更半夜開住個WEBCAM黎鬧…好在隔離房冇投訴我o者…真係人都癲…

呢家出面好大風，真係好想比大家聽下出面的風聲，應該係有成架車o係出面經過咁大聲！

好期待今晚去睇nero哥哥+小真緒+ 大佬樺！(心心心)

雷電交加！

東京今天天氣很差！落大雨，行雷，好像有台風要來了！出面好凍啊…不想外出只想賴在室內地方。

 琴日我地3個一齊去唱K，都係去池袋的卡拉OK館，佢地仲有送免費的薯片呀！本來只打算唱兩個鐘，最後我地唱左3個鐘XDDD呢度如果超時都唔會提你，不過只限於有其他空比人用的時候。唱完都差不多5點，我就即刻出發去SHIBUYA AX，在原宿見到亞春個廣告都未得閒影啊>.<...而且我又行錯少少路…有關LIVE的REPO就在另一個記事打吧！

LIVE完結後比想像中晚，差不多十點，因為約好左和老豆視像所以即刻趕返家，不過D車真係有DD唔太熟…返到來都差不多十一點，好在佢地仲等緊我！中秋節真係好想同大家一齊食月餅同生果呀！ 不過去左睇live都真係好開心，雖然著住一身濕到扭得出水的衫回家XDD

而且琴晚回來仲有VAVA佢地整的愛心烏冬！好食呀！大滿足！多謝招待！

今日約左四年冇見既朋友去玩！本來約十點，之後改左十二點，但係我九點半醒左之後再訓，一訓就訓到十二點先起身XDDDD好在朋友個邊都有DELAY，同埋今日落好大雨！我已經著左中袖衫又加左外套，但都真係好凍，同埋一出去就會濕曬…因為真係橫風橫雨囉…今日去池袋玩，首先去食飯先！食左TENYA的天婦羅飯，之後去行東急，我朋友買左好多野=.=不過真係好想知個個砌圖係咪真係可以玩到！
以下是LINK：

任何人的樣子都可以砌到！

主要是由不同深淺色的色塊組成，方便的是只要用手提影自己個樣SEND去佢個EMAIL，大概十秒左右就會話比你知用邊塊要點砌可以砌到自己個樣！真係可以有排玩，只要1800多YEN真係好吸引，不過我唔係好叻玩puzzle XDD之後去隔離的SUNSHINE CITY行，其實我來日本咁多次都冇入去行過囉，所以今次係第一次行，原來入面都幾多野行架！！仲食左個我覺得幾好食的PUFF！CUSTARD味架！因為平時我好少食呢D野，但呢個又香又脆D CUSTARD又軟都真係幾好食XDD之後都仲係落大雨，本來想去食無敵家但太多人，之後去左拎房先，然後再去食，剛好附近有一家旅遊書都有介紹的黑湯拉麵店就去試下啦！

個湯底之所以係黑色係因為有D豬骨的骨髓WO…唔知啦，總之就係黑色湯底，但飲落去幾好飲！有D似粉葛湯(笑)！但係好味！又好多芽菜！個叉燒又好食！總之好好食XDDD個湯底其實唔算好濃雖然隻色係好深，不過其實都係甜架~所以我又叫左姐姐比個生蒜我~好味道呢！食完再去返西武個邊行下睇下書，D教人廣東話的書真係好有趣！去到大阪要買返本來睇下！仲有百貨公司的收檔前大特價真係好抵，好多野食呀！！！不過今晚真係好凍，天氣報告話聽日係14~18度！OH MY GOD！好在有帶厚DD的褸o黎！！

頭先BOOK左去大阪的日行巴士！好緊張呀！下星期就出發！呢家條頸有D酸，應該係琴日LIVE的後遺症！都係時間早抖，聽日再玩！

記事。

  好幾天沒有打記事，因為實在公務纏身(？)！18日那天我們到新宿逛~小田急有500YEN5條的豬肉春卷好好吃！吃左兩條都夠飽了！之後去CLOSET CHILD，雖然有特價不過D衫都仲係好貴呀…我見到D LOLI裙真係貴到呢…有D嚇親…之後再去睇埋佢地的WESTWOOD(二手)，更加嚇親！真係完全唔會捨得買囉！然後自主盤同LIKE AN EDISON都有EVENT搞緊，冇得入去睇。之後我地去東都都廳，話曬政府重地，入去前都要比佢檢查下個手袋，個d人都有sensor手架，摸下就知入面有冇危險，好厲害(笑)！不過都係睇反應架o者~上到去北面展望臺，真係望曬成個新宿同附近地方，一望無際！因為d屋實在太細了，冇咩高樓大廈！但係都幾得意，其實個度大概係45層高左右，但係望落去D野好似模型咁！然後等天黑，天黑左仲好睇！同埋我地見到對男男情侶，其中一個仲係有少少少爺打扮架！！睇到我地好萌XDDDD然後實在太無聊，我地搵左個角落玩自拍！但係後來比個哥仔發現左仲笑我地(羞)>///<但真係好搞笑~哈哈~影多陣就走，之後返屋企煮飯食！

星期日起身去SuG在BRAND X的握手會！(見另一個記事)

握手會完結後join埋vava同karen，由於仲有d時間就去左行tokyu hands~基本上都係amai地咁行(毆)~然後到附近的toyota showroom試玩安全模式的試車demo game，好難玩呀，我兩次都rank E(毆)！之後去接學長，學長也帶了他的朋友一起來，等埋之後一齊先去吃東西！因為太多人，有祭典呀，度度都多人到爆，最後行返去SUNSHINE CITY樓下有間CAFE食左個三文治套餐，600YEN有包野飲又幾抵食同埋都好新鮮好好食！食飽飽就去HANDS行街，因為學長要買野，咁我地就同佢去睇啦！不過真係唔係好熟D男仔野o係方買好，之後去左唱k先XDDDDD雖然只係唱左個半鐘左右不過已經見識到學長痴線o既一面！佢真係唱得好似呀！！！癲左！可惜amai tami唔係度！！一齊唱啊下次絕對要！！！然後學長的朋友唱gogo178好好笑XDDD karen唱歌都好好聽，好有日本風味呀！同埋仲有house of madpeak唱！好想同公仔一齊唱！！呀~總之好想同大家一齊唱啦！！！
唱完k我地落新宿，都係迷路迷路再迷路…好在有兩個壯丁一齊，唔係行入去歌舞妓町真係會好危險XDDD周街都係HOST！！仲要係型仔靚仔！！不過都真係驚！咩事呀呢家！咁張揚o既？？之後去食拉麵，博多拉麵，500yen一個仲要可以免費加一個麵底！都幾好食啊！食飽飽行多陣就返歸，當日的收獲=零。然後晚上等聽萬作的radio，可是原來沒有網上直播！好在問小果先裝到個net radio，但係應該已經做完左…orz…我好想知萬作講左d咩呀…

琴日就約左十一點在SHIBUYA等學長，然後大家都係迷路(毆)由涉谷迷路到原宿，迷失表參道，再回到涉谷，尋找TOKYU HANDS，再上LOFT尋寶，明明找到了卻又差一點點…好在最後學都都買到心頭好不用兩手空空回福島XDDD之後去吃TSUKE麵，笑點是「池麵をください！(請給我一個靚仔！)」XDDD不知是不是店家開在涉谷，幾個服務員都是金髮的後生姐姐！好正呢！我點了豆乳味的tsuke麵，誰知我的湯底就是凍的orz....不過都好香好好食呀！仲好飽！食完之後再行街，一直到送學長走為止！下次再來玩吧！要來大阪啊！！

晚上大家都太飽，只吃了甜品做晚餐~買了一個soda咋的jelly~有椰果架！都幾好食！不過到十二點幾有d肚餓食左d麵包XDDD琴晚真係好激動呢！真係差D訓唔著！然後今日又有唔少衝擊，下午蒸左蕃薯食，好食呀！然後出去附近的公園散步，好舒服！！在堤岸上散步的感覺好日劇(毆)！！更巧合的是雖然我們是第一次到那堤岸，可是回程是意外的選對了回家的路XDD這也是感應嗎？(笑)

波瀾萬丈。

點呀我完全冇心機寫repo!!!

今年真係發生得太多事。

大佑離世…
 ayabie major一年就散band…
一志聲帶問題要休息…
luna sea開幕要來香港…
連Plastic tree都11月要來香港…

來到日本見到zoro同sug，遲d可以見到更多更多喜歡的…

如果　所有事都為左帶我地去下一個目的地
咁我地唯有乖乖學著接受
然後找到屬於自己的路，再努力跑下去吧

我相信hizumi好快會好返，之後再返出來架！

因為佢係打不死的鼠哥！！！

心情大起大落啊~好在見到一志話會好快好返！
個心都定左一D。

大家要加油振作啊！amai！！！

大混亂。

先是多謝村姑的「極密」消息XDDDDDD

想不到在大家意想不到的地方竟然悄悄公佈了喔！
地元的LIVE我也好想和大家一起看，快點公佈其他詳情吧！！！

海月們，買飛記得叫埋我！

但我現在有個感覺是我一直想做的事被人捷足先登了ORZ

但事實証明係WORK的！！定係因為JROCK太缺錢已經去到山窮水盡的地步？XDDD

無論點都好，都係值得開心的事！

期待1112！

然後無啦啦樓上DOMI度有隻大蟑螂XDDDDDDD
女生們都尖叫+雞飛狗走！
這裡連殺蟲水都沒有....最後有人見義勇為....殺人滅口XDDD

今晚真係一個波瀾萬丈的晚上。

Are you with me still, now?

YES I AM WITH　YOU MY TAKERU BAY (心心心心心)

點解我個仔咁蠢唔識比反應我架！！！！！

係咪學左涉涉咁只係識眼光光飲左豬肉湯？
至少都好似龍B咁呀嘛！唔醒目！又嘈生曬！


不過都好愛你(心心心)>3<

REPO 後補！

純度の高い快楽の波に 溺れさせてMr.(心)

也不算太輕鬆。

終於來到日本一星期了。

過去一星期都是吃喝玩樂的日子，接下來要開始準備心情…

因為明天開始才是本番(毆)!!!!!!!!!
接下來一星期的活動是：SUG握手>>同學長玩>>唱K>>到原宿睇亞春>>SADS EVENT>>同4年冇見的朋友食飯>>LITTLE HEARTS EVENT>>ANGELO LIVE！！！

密集到喊啊(毆毆毆)！

不過同時都好煩惱呀…因為仲未搵到屋！琴日都未訓醒就有個agent打來，一開始就滿口日文，講真，聽唔明/聽唔切！但都隱約知佢講咩…來來去去都係咁架啦…總之就係叫佢send mail來睇下先啦…其實計過條數都幾貴下，應該說可以比我地租用的選擇不多，因為平個d要係長期先得，我地呢家太短期了，不過都要繼續搵啦冇辦法。然後洗衫啦，好好天氣！琴日早餐是pancake + chocolate milk~食飽飽就出發去傳說中的下北澤！！！

來日本咁多次都冇去行，因為覺得個度冇咩野arm我，但都抱住一d期望咁去睇下。點知一出到南口，有間時裝店就寫住500yen起！即刻跑上去啦XDDD佢D衫都OK平，就算原價都比出面大部份店平，有件衫真係勁清春，都係3000有找(原價)，不過當時諗起D租金，就梗係唔買住啦！再行下，有D肚餓，就去買左個HAM CHEESE & 煙肉的夾包食(即係MCCAFE個種)，不過個SIZE細勁多囉！但都好食！呢度都有好多賣D生活小品的店，不過真係對比起好貴啦，雖然真係好可愛既。然後行行下，竟然見到有DM的店！！仲要超級大特價！平底鞋只要3000YEN就有一對，5000YEN就有兩對！仲有D舊款(也只不過是去年至今年年頭的款式)，大部份以半價或以下的價錢出售！也太吸引了吧！！！>口<不過唔敢買住，所以想打個電話問下母親大人的意見(笑)但係周圍都冇電話，難得搵到一個但係又唔識打返HK，應該係冇設置到可以打長途…然後再行返轉頭都係好想買呀(毆)結果就入去買左一對5000YEN的8孔BOOT！

平時真係好少買白色野，不過真係好靚呀~而且5000YEN真係超級無敵平！應該係我4對DM入面最平的一對！屋租？我唔記得左啦！！！好在亞媽都冇鬧我，佢仲叫我買多幾對返去賣(笑)~睇下聽日係咪同學長佢地再去多次先！今次真係要忍手啦！然後個姐姐好好人仲送左LIMITED O既BEDGE PACK比我，多謝你呀！！

之後VAVA去買串燒食個時，老伯一聽到我地係中國人就講D好嚴肅既話題啦(大家都知係咩啦)…不過佢都冇為難我地，仲比我地影相TIM！然後再繼續行行行，行到日落先走呀！雖然之後都好多又平又靚的野不過都冇買LU~然後晚上回來食前日買的香草煎雞+炒蒜芯，都幾好食呀！仲有同新來的韓國女仔傾計，我地係3個香港人對3個韓國人(笑)~個女仔話佢的夢想係做個有錢人，我都想呀！請你教下我PLZ！(笑)不過大家為左唔同理由而來到日本，像這樣一起談天一起分享不同文化也是難得的經驗呢！而且她們都很照顧我們，像這樣的相處之道也是需要學習的。

然後聽日要見小武瑠啦！！！！但我仲未寫信！但係寫左信的話到時同佢講咩好呢？？講完又寫信咁咪會有重覆囉？？佢會唔會好似龍B咁amai呢？？？但我最驚都係聽朝起唔切身！今晚一定要早d訓呀！話說今朝另一個agency打比我，個個女人好客氣呀，不過都有d阻滯，希望可以解決到啦！得返一個星期多d咋因為！！由於琴日聽到我地個屋主同另一個租客的對話，佢因為未交到租而面臨比人趕走的問題…雖然感到愛莫能助，但係都覺得好可憐呢…為此真係要快d搵到屋先！住邊都好！咁去到大阪先可以有得去搵工！要加油呀！

東京下雨。

就算不是東京我也不太喜歡下雨，因為會想起有村龍太朗。

今日又十點幾先起身，VAVA已經放工準備返來喇(毆)然後還準備早餐，辛苦了！食完野就一齊出發去淺草，今日得21度咋！勁大風又凍！又落雨！首先去仲見世通，好正WO原來佢地上面有天幕，所以落雨也不怕！好似開左好多新店，同新年時又有D唔同左咁。但今次終於都可以見到淺草寺的真身，因為之前去次次都係裝修咁，不過今日就落雨啦。然後佢地求簽，我有太多不快經驗所以我唔求，好在佢地一個小吉一個大吉！都唔錯！但我見到有個婆婆抽左個凶之後神情好凝重啊....所以我都係唔抽！因為落雨所以冇左D小商店，冇得食香蕉古古力啦！兩點幾去左食附近一間餐廳，點了醬油拉麵+沙律+迷你黑蜜寒天SET，都幾好食WO！平時我唔鐘意食豉油拉麵架，不過呢個味道都幾好，個甜品都OK！食完都好滿足呀！ 行行下我仲用500YEN買左套粉紅色豹紋的甚平，超可愛架！！！

之後行去河童道具街，又行錯路，好在都搵到！個度主要賣D同野食有關的東西，例如D食品的MODEL啦，仲有D刀呀CHOP BOARD呀同埋好多大中小型的料理用具，真係成個深水土步咁！不過都有D得意野，所以都睇得幾開心。行完之後決定去秋葉原，原來都差不多5點幾，開始天黑LU，秋葉原同想像中的有點不同，不過真係成街都係D女僕姐姐，連外國人都有，見佢地著住套LOLI女僕衫o係度吹風真係覺得有D可憐…上去兜左個圈，見到忍者亂太郎的產品好可愛呀！！！不過冇買到，然後去食MISTER DONUT，有JR版，獅子仔係原味的圈圈，羊仔就係古古力味，我要左羊仔，157YEN就可以試到3隻味都幾抵呀！食完行左一陣就返歸，順便去買少少送，返來煮左米粉食，仲有食米餅~米餅真係好好食呀！不過食得太多熱氣野有粒粒TIM！要飲下涼茶喇！

頭先上去搵屋，真係有少少貴，不過呢家都冇得揀，希望快D有回覆比我地啦！
然後後日就會見到學長！仲有小武瑠！仲未寫信呀！聽朝要曬衫！究竟趕唔趕得切寫信呢？？

呢D咩SENSE？

京京見到一定想凸爆整個條友仔XDDDDDDDDDDDDDDDD

惡搞，好好笑，不過咁大隻的京京真係唔得，都係細細粒可愛D最好(心心心)!!!

至少後面張國旗要轉一轉會好D。

二日間。

14日，一早就有人來拍門！CHA一早就到喇！
成個人都未訓醒，但係又好緊張，之後帶佢上去沖涼順便刷牙洗面，之後大家都要休息一下。等到vava放工回來大約12點左右，一行四人向著原宿出發！一出站就見到他媽哥池的店，嘩，真係好可愛(心)!!

 

仲有個電視仔，一行埋去就會自己追住個樣o黎改變d display~好過癮呀！

影左好多張(笑)之後第一站，就係去食原宿必食的crape!!!雖然平時hk都有得食，不過呢度好多間，可以揀一間係hk冇的來試嘛！由於天氣太熱，我點了有雪糕的士多啤梨忌廉crape，食落去個下真係…透心涼！！！雖然平時hk有間食意大利gelto的都叫做唔錯，但係呢個真係超級無敵地好食呀！！！個皮好薄但又唔會漏，d雪糕又入口即溶但係又好夠味，生果又新鮮，總之就係好食啦！但係我食完有d肚痛，看來都係唔應該一早就食凍野！

之後去390，好多可愛的衫都好想買，不過都忍左手！行呀行呀之後去closet child，新一期vamps封面的rock & read有本二手只賣980，不過冇買到呀~但後來睇到入面papa好靚呀！！遲d先買返啦！跟住再行去lafort，真係必去， 拎左一疊龍B的flyer!!! swimmer的產品仍是又平又可愛~仲有見到武瑠有份design的malko malka(唔記得係咪咁串)!!!我仲好興奮咁講takeru呀(羞)>///<!!!!個staff姐姐實聽到啦!!!不過冇買到呀，好貴！其實去咁多次呢度今次先係第一次由底行到上頂，之前真係一次都冇行過~不過都冇咩心水，得個睇字，落去時見到個好有型的人好似顆粒架！真係連身邊d姐姐都禁不住要望下佢。出去時竟然落雨，好在vava有帶遮o者!!同cha去godiva佢買左本熱古古力，真係好香wo!!然後行多陣，forever 21真係冇野好睇，又唔靚又貴，都係h&m又型又親民d(價值)!!!跟住chacha就向新木場出發，我地就繼續行~但大家都有d肚餓，於是就去竹下通的lotteria食少少野，竟然咁都撞到住樓上的韓國人！好巧合呀真係！！

我其實係第一次食loterria囉，點錯左個有蛋黃醬的蝦堡，不過都幾好食。抖左一陣再行返出去~其實we go有件外套我都好想買，都好平，不過我帶左好多外套來呀...冇買到，但之後買左一件好平的衫~因為覺得幾可愛！另外在百yen店taiso買了信紙，寫比小武瑠架!!百yen店真係有好多好靚的野，即使作為手信都完全不失禮，而且還是sanrio 和disney的產品，設計一定係又可愛又有用的!!!!!差不多6點9先走，好多人呀，上左車有個地盤叔叔拎住個好大個的紅白藍袋…乜日本都有紅白藍賣架咩？？？最驚係佢仲讓位比我坐，真係唔敢坐囉！！返到來，累到癲左，一野就訓左覺，訓到vava sms我先起身(明明我就o係房XDD)，原來個時已經9點半!!!但係chacha仲未返來，點算，佢琴日比條魚骨折磨左成日，又唔舒服仲要去睇mucc，又冇電話打比佢tim!!本來想約埋一齊出去食飯都唔得，唯有自己煮啦，好在之後就收到佢電話話返緊來，咁我地就出去超市買多少少野~呢度個超市真係好方便，開到夜晚12點架!!不過反而冇左個d夜晚大劈價，但都ok o既。 最後我地係去左lawson 100店買飯盒，本來320 yen但晚上減100yen，即是220就有一個炸豬扒飯!!!買左3個做飯底，再加多個自己整的蝦仁粟米粒粒炒蛋，仲有之前的咖哩薯仔，都好豐富啊！個炒蛋真係好香架，連其他人都話好似好好食！不過真係好好食架哈哈哈！賣花讚花香呀嘛！最後差不多十一點幾先食完，好滿足！沖完涼都好夜lu~不過都仲係眼訓呢！明明就訓左好多架嘛！

其實琴日chacha送左et隻dvd的postcard比我！boogieman 同dog in pwo都有！超正！可以用來裝飾間房！仲有之前買左個枝h&m的淺紫色eyeliner，好閃呀！仲有好大陣木味！不過都ok上色架wo又！同埋琴日在lawson 100店買左個有我塊面咁大的甜薯包！都唔錯！但係食唔曬呀！太大隻！


然後今朝本來應該起身送一送cha的(佢6點幾要起身出發搭日行bus)，但係我最後係十一點幾先醒orz....真係眼訓到咁呀？！起左身，食下野，上下網，差不多兩點左右就出門口，今日SADS在惠比壽LIQUID ROOM有LIVE，之前抽唔到飛，所以特登去睇下有冇得即場買啦。呢度落EBISU都好快，不過車費真係貴呢。出左站，就開始迷路，好在都識返轉頭，行多兩轉好快就搵到LIQUID ROOM！有點意外呢。見到有個哥仔坐左o係路口等人讓飛，我都好想等埋一份呀…

可惜去到門口就見到sold out左啦~都係o既~papa wo~好難唔soldout啦仲要係咁細o既場！之後見到原來物販4點就開始左，咁我個時差不多5點，仲有一個鐘先開始，咁咪一齊排下囉~雖然人唔多(比起之前新木場個D算係少人)但係因為得兩個COUNTER賣野，真係好慢囉。排左成9個字先到我，老實說今次D GOODS真係唔係好靚呀…有個SADS的KEYCHAIN好靚不過冇標價，TEE有兩款，我買左其中一件，諗住下個星期去睇EVENT時可以著！

係有樣架(毆)!!!!其實今次見到好多飯都係著住以前的tee來，都知佢地係追開，有d後生仔，又有d嬸嬸，真係好吃得開啊papa！本來想買貼紙但係冇，毛巾又唔係好靚，冇買到lu~買完就走，因為有排都未開始~等唔到出待啦。之後勁無聊，想經由呢個明治通行路去涉谷，於是就又開始迷路啦。

個時先6點，但已經好多人放左工~佢地真伙好準時放工啊(笑)。開頭都行錯的，好在好快我又notice到係錯~去到有個公園見到有個實Q伯伯，於是就問下佢係咪行呢條路就可以去到涉谷，點知自己一時口快快講錯左，問佢係咪可以行到去池袋，佢話呢叫我去返搭車，因為行的話要行兩個鐘！個時我仲心諗點會行兩個鐘呀，明明行明治通好快就會到架o者，之後行開左再諗，先知原來自己白痴左！伯伯一定以為我發神經，想由EBISU行去池袋(毆)。 anyways之後都搵到路慢慢一直行，半小時左右已經行到去涉谷啦！中途仲見到有一間dm的店！

佢門口放左d特價貨都ok抵買，有錢真係想買多兩對來著！入去睇既時間，店員姐姐無啦啦同我講野，本身我聽緊歌聽唔清楚，原來佢讚我對babypink的dm好可愛呀(心)!!佢話個時佢想要都冇，因為唔係好多貨~好開心ww有d新款都真係幾靚，不過都係睇下好了。然後就搭車返屋企~見到超市今日有特價就想話返來叫埋vava先去買，點知就o係出面見到佢！買左好多菜呀今日都好平，應該可以食到一個星期！好開心！

不過呢幾日都keep住落雨，真係有d麻煩，同埋開始轉涼，出街都係要帶定多件外套先得！

多謝支持。

開站不到一星期就已經突破流量100人(拍手)!!!!!
不過我知道有人仲係以為我冇寫野，因為佢地bookmark左第一個entry就算…
等佢地發現既時候可能我已經up左好多篇啦！

anyways！希望keep到個勢日日都寫d野啦！

話說其實一向腸胃都唔係太好，呢幾日都KEEP住冇咩胃口，同埋都仲係有D緊張感，所以都間唔中會肚痛…今朝起身又係，同埋因為凍，我唔想開冷氣訓，但係因為我住的是地下(一樓)，雖然個窗度有加欄，但係開左窗都會聽到出面街D聲，尤其夜晚個時就更加唔想開窗啦…所以都焗住要開冷氣，好在份租金包左電費唔係真係要喊呀…咁總之因為開冷氣好凍，所以每朝起身都覺得凍凍地，就更易肚痛啦。今日vava佢地同韓國的朋友仔去自由之丘玩，我就冇去到，因為聽日cha會來宿一宵，我間房實在太亂了，所以決定執一執同埋洗下衫！洗一次衫要比200yen，真係想儲多d先洗，不過講真冇得儲咁耐啦，一來太香啦，二來真係唔夠衫著，咁所以今日起左身就上去上面common area度，一邊食早餐一邊上網同一邊等洗衫。

其實之前都有出左出去，因為洗衫要用自己的洗衣粉(vava有)，但係未有衣架同埋衫夾，咁出去百yen店買，順便買埋洗潔精~話咁快d衫就洗好左，拎左上天台曬，呢個動作係自從搬左去tws之後就冇做過…以前小時候住唐樓都會拎上去屋頂曬衫呢！不過其實今次洗得幾件野，所以好快就整好。之後執下野，就出發去今日的目的地：卡拉ok館！！！

之前雖然幾次來日，不過真係一次都冇去過日本的卡拉ok，今次終於可以大唱特唱！本來應該等埋朋友仔一齊來先最開心，不過因為有d私人事務要做，所以今次就一丁友唱住先啦！佢地的收費好平，講緊係11點~7點pm的時段，如果會員的話30分鐘只要40yen!!不過一定要叫一杯飲品，最平都係400yen樓下，我今日一個人唱左兩個半鐘，加埋都700yen有找，真係好過去cafe(毆)!!最重要係呢度可以唱我鐘意的日文歌！終於可以肆無忌憚咁唱歌喇！！！

以下為本日setlist：
new world ( the boogieman)
glass skin ( dir)
蝕紅 shot in one take (dir)
dozing green (dir)
drain away (dir)
new world (the boogieman)
理由 (dir)
我、闇とて(dir)
THE FINAL (dir)
忘却の果ての凍えた孤独 (kagrra,)
laws (清春)
首吊ロンド (merry)
激聲 (merry)<--太長，唱到一半cut左
謝謝ラ　(baroque)
alone again, wonderful world (pura)
エトセトラ (pura)
replay (pura)
艶かしき安息、躊躇いに微笑み (dir)
薄紅と雨(12012)
yellow beauty (lm.c)
フィナーレ (sads)
lost in blue (惡夢)
忘れ草 (惡夢)
シアン (惡夢)
日傘 (シド)
紫陽花 (シド)

有好多我以為有得唱的歌都冇，唔知係咪機種的問題，因為冇用過其他機，所以都係用返DAM system，下次同大家去先試第二d吧！唱完之後落返樓下仲有書店，見到mao本rock & read，都睇左d大標題，都係有d唔抵得佢，不過入面d相好睇過封面個張好多。仲有牛信啦，睇完d heading真係有d嬲嬲地，如果一早想試下自己一個人的力量可以走到去邊，一開始就唔好夾band啦唔該！呢家咪搞到咁，唉。仲有大佑，係增田叔做的訪問，好心up呀睇到，所以都唔敢再睇落去，其實佢同京京真係好似，所以好擔心京京呀，呢家大佑又唔o係度了…不過仲未可以的起心肝買呢本書o黎睇，太衝擊了實在。

之後就搭車返歸，順便去超市買晚餐的材料，d菜真係好貴呀，反而有d新鮮肉同海鮮都係差唔多價錢，真係要好好諗下之後煮d咩先。行到一半仲開始想落雨，即刻行快兩步返屋企！整下呢樣整下個樣先上去煮野食，不過vava佢地遲返，叫我食住先，咁就煮簡單d啦！點知煮到一半就落勁大雨，仲要行雷閃電tim呀呢家！希望今晚唔好落雨啦！

聽日就可以見到chacha喇(心)!!!同埋聽日係vava第一日返工，加油!!!
放左工一齊去玩!!!

第三天。

琴日我地3個一齊去上野大出血!!
首先去睇animae野，有好多好得意的產品，如果係去旅行的話會想買來做手信囉！最後買左個小禮物比亞妹的~然後去食飯，第一次食天丼，因為冇咩胃口所以只點了小天丼，但已經有天婦羅蝦+尤魚+豆+蕃薯!!!仲有味噲湯~但我唔飲架~食飽飽繼續行街。其實是日主要目的係想買野食，因為大家都知上野最出名就係阿美橫丁，個度就好似mk的花園街咁，咩都有，最重要係平！不過我地搵左好耐都搵唔到目的地「二木之果子」，反而去左好多其他店shopping XDDD
話說琴日起身換衫，我發現我冇帶夠短袖衫o黎！搵到的都係長袖的shirt，咁大獲，所以琴日就走去jeansmate買左條衫~990yen~不過係中袖，佢地係咁話會好熱呀~@@~唔會啦我咁怕凍！去到大藥房，見到上次用過好好用的尊馬油，香港賣168，日本佢寫原價要2100，另一家特左價都1200，我見到佢賣960真係好抵呀！所以買定一樽傍身！其實好多人唔知馬油有咩用，佢除左對乾燥皮膚好之外，佢仲可以蚊叮蟲咬，火傷，去瘀，仲有美容都有效(以上資料參照網上)，我試過茶暗倉都ok架，有時煮飯比d蒸氣熱親，茶少少，包你唔會出水泡！總之一句到尾就係好用啦！另外前日買左個殿堂級的止汗膏，估唔到真係咁好用，真係要介紹比大家！

http://www.cosme.net/html/dnd/2009_06.html

雖然有少少貴比起d噴劑但係噴劑對地球環境唔好架嘛！呢個都唔算十分之貴，但真係幾好效果~用多一排睇下會點先！仲有就係必買龍角散喉糖，因為太熱又乾又成日講野！真係食一粒人都醒神d。最後聰明既我地梗係搵到二木之果子，買左d零食，又o係出面買左幾個桃，之後就返home~放好野之後再去附近的百yen店同超市買晚餐，琴晚係我第一次o係呢度煮野食！整左咖哩著仔雞腿仔，仲有得撈烏冬！好飽呀！食完飯vava佢地又請我食雪糕，仲有又香又甜的桃子，真係好滿足！

救命呀

JUNNO.........
我想聽日去唱K呀!!!!!

★V系アンケート★

■■ルール■■

 「見た人は絶対やること！絶対だから！嘘つきはダメ！足跡残ります！スルーはしないでください」 答え終わったら最後に一つ追加す

ること。 ■■■■■■■


■■規則■■「看到這篇的人絕對要做喔！不可以說謊，凡走過必要給我留下痕跡」最後在自己增加一個樂團的名字■■■■■■■


■Dir en grey

本命盤，沒有遇上他們的話大概也不會有現在的我(性格、想法etc)
無論是音樂還是音樂以外都很值得學習
已經喜歡他們超過十年了，以後也要他們多多指教(心)


■PIERROT

一次live都未睇過就突如其來地解散…
突然到連哭都沒有哭過(但睇kiki symphonic tour時喊到傻左)
曾幾何時是在我心目中和dir有著同等份量的團
私心好想他們和好後復活，即使一天限定也好

■メリー

nero哥哥真係好有型(心心心)!!!全員唯一真係接受唔到健一(毆)

 ■ガゼット

THE BEST!!!
不過係最唔鐘意的團的THE BEST
太多原因令我唔鐘意佢地，唯一括免係包鼻ww

 ■黒夢清春

神！！！！！不管是黑夢/sads/solo都只能用「神」來形容
歌手，生意人，papa，社長，designer，producer…
無論哪個角色都handle得太好了…尊敬！

 ■蜉蝣

蜉蝣<<可以說是一首歌都不會，現在只想大佑安息

■LUNA SEA

因為中學時有個學妹好鐘意佢地所以先留意
但之後冇耐就終幕
呢家開幕又未必睇到佢地

■X JAPAN

神話傳說，從來冇諗過可以睇到佢地
但竟然一睇就睇兩場，而且真的太棒了
如果團員的花邊新聞再少一些的話會更好…

■BUCK-TICK
just one more kiss with papa (心)

■D
 唔明點解major左都咁紅，但我都冇聽

■Phantasmagoria
討厭某人所以唔聽，覺得有點煩XDD

■12012
當涉涉同某人似到爆時，我覺得亨亨同AIAI都係兩姐妹囉
新ALBUM好好聽，有機會會去探下佢地
話曬係FREEWILL FAMILY(笑)

■deadman

SKIP.

■lynch.

月組既朋友。

■cali≠gari

呢一刻我聽緊既係佢地隻「10」！真係好好聽
但係「10」以前的歌我只係識3首XDDDD
ただいま真係到肉到喊！

■アンティック-珈琲店-

睇住一個靚仔變到唔靚仔
唔鐘意為左SOLO而搞到活休
同埋佢唱歌一D都唔覺得好聽囉

■アリス九號.

小原一將幾OK，其他人全部都講唔出個名
把聲幾好，不過真係要再進步下
唔靠樣先係好架嘛

■Laputa

KOUICHI同AKI都好鐘意囉以前！
初初聽唔慣佢把聲不過高音真係超勁
EVERYLATSING-K 都好好聽

■PENICILLIN

由頭到尾都冇鐘意過佢地
睇住某人帶壞狩野兄，憎到佢飛起

■ヴィドール
冇興趣，但知道JUI同RUKA好FD

■シド

因為第一屆的真夏而認識他們
MAO唱歌真係好好，MAJOR前的LAST ALBUM超好聽
睇住佢地急速變質，覺得很可惜不過都仲係會聽

■Kra
一般，但係記得「食碗面反碗底」既笑話XDD

■ギルガメッシュ

好聽個D就好聽，唔好聽個D真係一般
唱得出既都係得兩首

■Due'le Quartz

神奇地人生第一場V系LIVE會係佢地仲要係香港
MIYAVI SOLO越做越好，太有型喇！

■Syndrome

skip.

■ドレミ團

makoto好鐘意有村。
小果果的本命<---(笑)

■D'espairsRay
鼠哥係kiki 條o靚
聽十次有九次都以為自己聽緊hyde
其實顆粒好有型囉，不過原來鼠哥七得來都好有型XDDD

■Kagrra

呢家仲係好想沖落去京都同長野睇佢地！
睇住佢地比PSC搞到浮浮沉沉真係好唔GUR
「珠」真係激動地好聽！

■MALICE MIZER
唔知點解我有一張佢地的SINGLE
自此之後冇買過
個世界觀唔ARM我

■雅-miyavi-

我入左佢FC啦！幾時先有LIVE比我睇？

■Plastic Tree

微妙。喜歡同討厭的程度是50 vs 50
有太多野係我接受唔到…

■アヤビエ

major一年就搞到咁
所以說主音solo係好恐怖的一件事...

■華族

skip.

■少女-ロリヰタ-23区

skip.

■シリアル⇔NUMBER

skip.

■HeaRt

skip.

■イロクイ

skip.

■L'Arc～en～Ciel

ark & ray時先識佢地，然後發現hk咁多虹飯o既XDD
個人偏愛ken叔的曲
重組後會點呢？

■Duel Jewel

SKIP.

■Sugaｒ

skip.

■Imitation PoPs宇宙戦隊NOIZ

skip.

■SCISSOR

skip.

■國立少年

skip.

■人格ラヂオ

我打從心底覺得悠希係一個靚仔！真心！
但亦都打從心底覺得佢好賤(好在佢本人都知)
我有d想睇佢live架！！！

■ナイトメア
基本上我只喜歡RUKA作的曲XDDD
D好想佢作返D有水準的歌
LIVE上的RUKA大串燒超正
就快可以見到amai ruka!!!

■仙台貨物

GIGAFLARE(心心心心心)
變態還變態，可是歌曲很有HEART!!

■176BIZ

SKIP.

■bis

SKIP.

■ムック

乞兒達瑯，唔鐘意佢扮大佬
得兩首歌係我鐘意，就係雨之交響曲同埋SORA TO ITO
反而KARASU仲好聽咁(毆)

■SHAZNA/IZAM

我有買到PIECE OF LOVE XDDD

■GLAY

好尊敬TAKURO!!!!!好想快D去睇佢地！

■MELLO

SKIP.

■GHOST

SKIP.

■LM.C

女神的團!!!MAYA實在係一個好神奇的人
我好想去見佢地呀!!!!!

■Siva

SKIP.

†追加†

■SCREW

SKIP.

■ダウト

SKIP.

■Versailles

不是我杯茶。

■ViViD

SKIP.

■9GOATS BLACK OUT

SKIP.

■NightingeiL(kagome加)

SKIP.

■DELUHI ( shiori加 )

SKIP.

■東京ミカエル。(蟲加)

SKIP.

■kannivalism (蟲加)
圭怜(心)
可唔可以唔好再抽到裕地？

■ネガ（猫加

SKIP.

■DaizyStripper（猫加）

上年個V ROCK FES度覺得佢地都OK。

■THE KIDDIE(小果加)

夢現ナイト。
YUSA假到爆呀(毆)

■平成維新(小果加)

武瑠的分身團(誤)

■the studs(ちはる加

alansmith真係好好聽！

■ゾロ（大佬加）
龍B真係好好好可愛！！！
獨特的電子音樂，CORE超級好聽，為本人去年之BEST 3！
唔想佢地太快MAJOR，但想佢地越來越受歡迎(毆)

■SuG（大佬加）
我以前覺得聽武瑠唱歌係對自己一種虐待(毆)
但佢真係有好大進步！而且佢地D歌好有水準
近期有回落的趨勢，都係MAJOR問題啦期待下一張慢歌SINGLE!

■THE BOOGIEMAN（大佬加)
JUNNO(哭)!!!!!!!!!!!!!!!!
真心鐘意佢地，LIVE好變態但係歌曲真係近年最合心意！
如果我走一轉長野JUNNO會好返的話我即刻會去！

龍B*3*心心心

話說今日好好天！今朝起左身就好緊張，要寫好張生日卡同埋執定D手信，因為今日係黎到日本之後第一個大日子！


　就係ZORO的握手會！！！！！


呢幾日實在太忙真係冇時間整佢地的野，今朝寫好曬之後換埋衫就要出門口…由於我冇印到地圖，只係得手畫的，而且上兩次去都係迷路多，所以今次都預早左出門口！今次真係好好，冇迷路，兩點半左右已經到，之後去附近行下，兩點十左右就去附近個柏木公園度排隊，一個人真係幾悶呀…等到3點，仲未開始O既？！但係見到有STAFF叫D人入去，就問下前面個女仔，原來我可以入得去喇！即刻跑過去啦，但係都遲左，要企門口，不過反而因為咁樣，入到去，可以坐對正龍B個行呀!!!我係佢面前第4-5個人左右！我成日都望到佢呀！仲要！其實今次既握手會total有4次，咁上次yuuya哥哥已經著左浴衣，咁我就好期待會係邊個著啦，因為一向主音都會係最後一場先會做d重要野，所以我本身都唔預會係龍b，點知今日竟然係龍b著浴衣！！！雖然只係一件深藍色咩花紋都冇既浴衣，但係佢真係著得好好睇囉(心)!!!成個人好清秀！同埋佢真人比上鏡真係瘦呀，明明隔離house of madpeak個pv度仲係babyfat架嘛！不過唔緊要，一樣咁可愛！！！

首先係talk，因為掛住望龍b真係唔聽得好清楚，只記得成日望住佢傻笑XDDD佢好似有話自己著左浴衣但係大家冇想像中咁驚訝之類的說話XDDD然後公佈說12月會有HALL TOUR，但係主要都係谷1229個場啦！TAIZO話雖然係HALL TOUR但係無論係咩地方都會係好ZORO的LIVE，叫大家要來玩喔！之後大家一起同member猜剪刀石頭布，贏左可以有寫左名的poster!!!次序是taizo > tapi妹 > yuuya哥哥 >龍b，開頭3個我都係第一回合就輸左，但係我同龍b猜到去last 5呀!!!不過都係冇贏到佢…唔緊要啦已經好amai(心)!!!之後開始握手，我地幾個又要出返去出面等一陣，到再入去時差不多有一半人都握完了，但個時個心情已經唔係緊張，但係又冇plan定同佢地講咩，唯有當時先諗啦！終於到我喇！

次序係yuuya哥哥>tapi妹>taizo>龍b。

首先係yuuya哥哥，佢真人都真係一個大哥哥咁！好似一碌木，但係佢今日好好笑口，一野就同你握左手先，我就同佢講我來自hk，之後佢個樣係醒左一醒咁，好cute >口<!!!我同佢講我係由「core」時開始聽佢地，咁個時我真係鐘意既歌都多數係yuuya哥哥寫，咁我咪同佢照直講我好鐘意你作d歌，好好聽，yuuya哥哥就係咁「哦哦哦」，都未講完個staff就拍我叫我走，咁咪拿拿聲比個小手信佢。其實佢真係幾靚仔，不過係斯文個種！

tapi妹呢，d頭髮真係好靚！不過真係太瘦啦，妹妹要食返多d飯先得！不過今日冇著裙仔tim!但係都可愛既！同妹妹講我係香港黎，佢都好開心呀，仲有講今次首house of madpeak好好聽，都未講完個staff又拍我走，咁我又冇咩想講既，咁就比左手信佢就走，因為taizo已經等緊我啦！

聽完上次公仔同佢地握手之後對taizo的印象改曬觀，今日親身見到佢，佢完全同佢個blog張相一樣，勁靚仔！！！！！真係好鐘意佢呢家個髮型，同埋佢只係好簡單淨色衫+灰色外套，但已經好好睇喇！不過佢真係好唔識講野，一問到佢佢就好似好怕講野咁，anyways，因為知道taizo鐘意香港，咁我第一時間梗係同佢講我o係香港o黎啦！之後佢好似醒左咁，我問佢你鐘意hk d咩，佢聽得唔係好清楚，於是佢起左少少身伸個頭過黎聽我講野呀！！！！！癲左！近睇真係好靚仔囉(毆毆毆)！！之後我問多次，佢就好流利咁答我(平時成日覺得佢諗好耐都唔知講咩，所以覺得佢答得好快)，話香港某d野好好，佢講左個英文架，係我識架，不過佢講個時，後面個staff又拍我啦！！！！搞到我分左心！類似d建設定咩咁啦，唔記得啦，好衰架，咁咪拿拿聲拎taizo特有手信比佢，佢份野同其他人唔同架！另外仲有代亞妹送的小白熊，唔知佢聽唔聽到啦，總之就送曬比佢啦！同埋叫佢要來香港玩呀咁囉！

然後終於到龍b啦！！！！！

其實去到已經唔識緊張，仲要懶係好有禮貌咁同佢介紹自己，講完之後想伸手出去同佢握啦，點知佢收埋隻手，已經嚇左一嚇，原來佢係笑著對我拍手呀！！！！好amai呀！！！>口<！！！比佢咁笑一笑真係咩都唔記得曬，之後同佢講我日日都有睇你個blog架，又好想讚佢不過都講唔曬，個staff又拍我叫我走，痴線，捉住左龍b隻手又點捨得放！拎左張生日卡同佢講話比佢，佢好似好surprise呀！咁就成袋野連埋禮物+卡+手信都比曬佢，之後我都叫龍B要來HK呀，跟住仍同我講，如果我邀請佢的話佢一定會來呀！！！！！天呀！個一下我個腦入面諗到的只有我一直好想實行的計劃(知的人就會知，毆)！！！！！你放心！我一定會盡快邀請你o黎！！！龍b今日都係帶平時隻紫色addidas!!!同埋我呢家好鐘意我個頭隻色，因為同佢好似呀(心心心)!!!仲有仍對眼都好大呀！！！成個人都好可愛(心)!!!浴衣最高！！！！！

握完手真係成個人都唔識反應，因為係好amai！！！但唔係心跳個種，係好幸福既感覺！好想佢地繼續加油！！出左去有個WHITEBOARD比大家畫野，D人好勁呀是但畫都勁可愛，我就唔畫啦，寫字算！之後去買GOODS，買左佢地以前一個TOUR的TEE：

 得返XS SIZE，都照買啦！好在返到來係著得落！另外仲買左一套4張的TRADE CARD，雖然都係舊LOOK不過龍B個張真係好好好好好可愛囉！！所以買左XDDD等埋第二場D人都走曬，見到佢地上左二樓，龍B真係好高囉！佢又換返平時D衫~真係好有型(心)~問個staff佢地係咪一陣會落o黎佢話唔知，咁就冇等lu~因為已經好滿足！

返到來第一時間同vava同公仔報告！公仔話我今日著得好浮誇，邊有呀！

只係覺得唔太似zoro飯，唔知件衫趕唔趕得切洗好去下星期見小武瑠呢？

另外就係VAVA比曬D飛我喇！

從上到下係：
BPASS EVENT (SADS) >> LITTLE HEARTS EVENT (nightmare, sadie, merry, lc5, kiddie etc) >> angelo >> sadie！！ 唔該曬vava！！

訓之前睇多次house of madpeak!!!!

house of madpeak pv

家族構成簡介。

知道的人就會知道，所以這個POST是給不知道的人看的XDD

話說在profile下方都有介紹到！以防第時睇唔明，呢家就好背熟呢個人物關係表啦！

★京虜
 京：我最喜歡的dir en grey的主音(心心心心心)
即係平時我電腦檯頭個張相呀！
dir en grey 入面除左京京，仲有老大(guitar 薰)，低叔(die)，toto (bass toshiya)同埋心心(鼓手shinya) ！

★papa
papa = 清春 =黑夢和sads的主音兼作曲作詞+producer

★狩野妹
 本人的大佬是nightmare的ruka(狩野覺)，所以我唔係跟京京姓西村，都唔係跟papa姓森，我係跟大佬姓狩野架！

★龍b武瑠小真緒★
龍b (大仔) ：ZORO的主音！天下最有型潮童！最鐘意ADDIDAS ORIGINAL!!!
武瑠(二仔)：SUG的主音！可愛仔一個！
   小真緒(細仔)： SADIE的主音！素顏真係可愛到癲左！總係覺得佢同京京好似樣(毆)

仲有好多不時會出現的人物，睇睇下就明架喇！唔明先問啦！

琴日。

講返琴日的事先！

其實出發前我都成日係咁喊，真係好唔捨得，要多謝好多好多人，你地令我感到好溫暖，亦都令我感到好放心！正式所謂「有錢出錢，有力出力」，真係好感激，再次多謝大家既支持同埋祝福先！

話說9月9日個晚同老豆打開心窗傾心事，真係將心底話都講曬出來，當然又係咁喊啦，不過講完，舒服曬，叫佢地唔洗太擔心，因為我身邊好多人都支持我！然後晚上見到PIGG個新朋友，係咁吹水吹到唔想訓，兩點幾先走去訓，真係累到咩都唔記得就訓著左！第二朝一早就起身梳洗，大概七點幾就出發！

兩個行李真係好重，落到去搭的士的葵芳再轉機場巴士入去，o係車上又忍唔住喊啦，mami都冇講d咩，本身已經預先check in左，咁去寄行李時，個姐姐講我d野超重！點算！佢話寄的話要每kg70幾蚊，大佬我超左成十kg啊！仲要本來想hand carry的行李都唔拎得上機(size唔arm)，之後佢suggest我拎個手抽袋袋起一d野，咁就寄個空的行李，咁咪走埋一邊係咁執囉…執左個電腦個d野上機，重到呢…其實都超左少少不過好好人既姐姐話算數wo~但係個時都9點半，已經要夠鐘入閘了，接下來我梗係…又喊啦…mami終於忍唔住話我…喊咩o者…你自己揀架嘛…開開心心咁去玩咪好囉…我夠知啦，但係d眼淚係咁流落o黎我都控制唔到架嘛！於是又再次喊住咁同mami say goodbye就喊住咁入去…上次第一次自己去旅行個時都係咁…haha。

安撿個d就冇問題啦，好快就去到閘口，仲係好唔捨得呀，但走左去買d小手信想比d朋友仔的，有個野好正，係glico的collon，但係係蛋撻味的！最重要係寫住「香港」，咁就包冇搞錯！

上到機，今次又係同伯伯坐，我好似次次都係同伯伯個d坐…一坐落個空姐就分緊blanket，我又想要但係叫都叫唔住佢，咁諗住算啦…點知轉個頭，伯伯竟然幫我叫個空姐拎張比我！呆左！之後食飯，都仲未有胃口食呀…食左少少就算…出面又曬wo，咁咪唯有扮訓覺…訓到咁上下，見到伯伯行開左，咁我又起身去廁所啦，返埋位個時佢見到我行緊埋黎，剛好有架禮物車又想出來，之後伯伯竟然叫停左架車叫佢比我行先！又shock左！已經好想多謝佢，不過佢好cool架，掛住睇電影，咁咪唔嘈佢…到落機時，佢一早就企左起身，咁我又費時同人迫，就坐下先啦，到d人行得個時，伯伯佢又好gentleman咁叫我行先!!!!真係好好人啊！所以到最後一出左機艙我都忍唔住同佢講左句多謝！

出到去，第一時間搵在機場等左我大半天的KAREN!!!!雖然不是初次見面但大家都未能即時認得對方XDDDD還好我們都很聰明好快就找到對方！然後第一時間走去SOFTBANK申請個PREPAID PHONE，一小時就拎得！然後我地去買JR的NEX+SUICA套裝，最初擔心我唔係遊客會唔比我買，但係好似冇問題WO，總之照買到！ 本身係4點左右出閘，4點半去買電話，5點半拎電話，6點19分班車先係去池袋，架車仲要8點先到…真係辛苦曬，好在打到比vava叫佢來接我地！不過個個係繁忙時間，多人到癲左！真係好好好多人呀！

返到民宿都8點半，放好左d野，拎左房，我地就出去附近的超市買便當~終於可以食野喇實在太感動！！！雖然係超市298yen的炸豬扒便當不過味道都好好呀！仲有認識左樓上樓下既韓國roommate，都係多得vava!!!琴晚仲一齊睇music station~有glay呀!!!!

講開，其實o係機上面有兩佪channel都係播日文歌，竟然有相川七瀨首「戀心」同埋mucc首「約束」囉！mucc你好pop呀(毆)！不過冇聽到佢~haha~然後琴晚執執整整都好夜訓，初時都唔係好慣一關左燈就好黑！不過真係好累啦好快就訓著左…


同埋好慘呀，上唔到網，個NETWORK有D問題!!!呢家都係暫時用到咁，有時又會斷下線…要等OWNER返來先問到佢！有排！我連租都未比呀哈哈！

報平安。

話咁快我已經到左日本，真係自己都唔係好有實感！


有好多野想講呀，不過呢家好緊張，因為我要準備出去見個仔！


佢地好似已經到左喇…我都要早d出去先…
因為…我會蕩失路！

聽說新宿附近會有free market，一陣握完手可以順便去睇下！

同埋今晚要買d日用品先得！

今晚再報告！

一切由26個英文字母說起…

2009年的5月，我第一次隻身去日本同虜友經歷左一個花色春旅。
那是自從 2002年4月17日第一次在香港參與dir en grey的live之後，相隔七年，終於第一次在日本參與他們的live。

2010年的5月，我連續數個晚上通宵達旦紋盡腦汁，就是為了26個英文字母。
為的是寫好參加日本工作假期的理由書。

其實理由書最簡單，可以只是一張a4紙，寫上你參加wking visa的原因，到日本想做的事，有什麼大計等等，簽個名，畫隻龜，就可以交得。

但係要突圍而出，只靠一張紙，就算寫上密密麻麻的理由，本人都覺得，不像我的風格啊。

要做，就做得驚天動地撇撇脫脫！

不過最後選了的是老套到喊的，連幼稚園生都懂的a~z XDDDD

也因為這26個字，令我對今次參加這個計劃，以及對自己，都有更深的反思。

詳細的就不說了，我就將我寫的26個英文字母所代表的理由寫出來分享一下吧！
* 因為我以日文去寫理由書，所以解釋都以日文為先，有些是英文字，有些是日文拚音！)

A： amai (甘い)
B： budoukan (武道館)
C： continuous (連続的な)
D： dir en grey
E： existence (存在)
F： family (家族)
G： give up (あきらめる)
H： Heavens (ハヴィンス)
I ：アイ(愛)
J： jibun (自分)
K： kyo (京)
L： live (ライブ)
M： momobu (モモブ)
N： nihongo (日本語)
O： ongaku (音楽)
P： pen friend (ペン フレンド)
Q： question (問い)
R： rock is attitude (ロックは態度です)
S： seimeisen (生命線)
T： toriko (虜)
U：uroboros (ウロボロス)
V： visual kei (ヴィジュアル系)
W： with the proof in the name of living (生きるという名の証)
X： x japan
Y： youth (青年時代)
Z： zero hour (重大時期)

多謝呢26個英文字母，仲有日本領事館，同埋我自己，令我成功申請到今次日本工作假期！
然後轉眼間，仲有一日我就要出發喇！！！！！

日本，等我呀！！！！！