ゾロ 「HOUSE OF MADPEAK」

GLAY 「SORRY LOVE」

雖是是舊作不過每次聽都覺得愀心。

SADS 「DISCO」

雖然9成以上都係英文歌詞，但我每次聽到佢唱日文個段我就覺得超有型><！ 好想一齊跳啊DISCO!!!!!!!!

ANGELO 「光の記憶」

MERRY 「THE CRY AGAINST.../ MONOCHROME」

as the end is coming...。

又是每年年尾最期待(？)和最頭痛的事！
就是寫今年的review和ranking！
今年由於太多事發生，上半年的review都擱置了。積存下來現在single + album + dvd差不多有30張要寫(毆)！真的可以順利在年尾之前通通完成嗎...有點擔心，也不相信有能力可以順利寫好(毆)。anyways，回看今年雖然比往年更多風風雨雨，但今年好的作品也實在不少！所以希望在做review的同時，可以一邊回味一下今年的作品，一邊也介紹給大家。

首先打頭陣的是清春今年第一張solo single，也是今年唯一一張solo名義的single。
講多無謂，親身聽等如一切！

flashback。

dir live以來已經一星期有多了！來報告一下近況。

首先是我回香港了(毆)。
之所以有這個決定絕對不是輕率決定的。在live之前一直都好苦惱，應該要怎樣取捨呢。
由於有太多心情和live的心情重疊，所以都是留在live repo裡表白(毆)。

決定回來應該是12號的事。由於太趕急，live完結後就要執拾行李，首先要將多餘的衣物盡量寄出，然後是更改機票，謝謝幫忙打電話的朋友，還有旅行公司的小姐，十分有效率！最重要是申請再入國許可，和亞妹一起到cosmo square那邊的入國管理局辦手續，想不到超順利，填表以外整個過程都不到十分鐘！而且那個職員也超好人！之後因為時間還早，決定到附近走走看看。
本來想去ZEPP OSAKA，不過行到一半見到海之時空館，就去個邊先！個海邊真係好靚好舒服！而且個日陽光好好，個海(大阪港)好藍，堤邊又好白，又好寧靜，真係好舒暢！不過行到去其實冇咩野睇，冇落去個館，只係係咁易行左陣就出返來。之後就去ZEPP OSAKA，因為佢就快拆喇，冇幾會係度睇LIVE！路程比想像中稍遠！然後！當天在那裡開LIVE的，竟然是以前19的KENJI！！！！好驚喜囉竟然是認識的歌手(毆)！仲要係走遍全日本的LIVE TOUR，真的覺得好厲害啊！雖然冇機會欣賞到，都係門口影返張相留念(心)!!加油啊！！

然後13號很豐富！首先是去寄行李，比想像中貴啊…之後去大阪城公園睇紅葉！其實只有很少部份轉了色，不過都很漂亮呀！可惜是那天天氣不如前天的好，很灰暗呢！幸好DC的好處就是可以自動TUNE色，所以影出來的效果還算不錯！同樣我們也沒有進城，只是在天守閣門外走動，那裡有很多自由表演者，其中一位後生仔正在表演魔術+雜耍，配合他有點笨拙的MC真的幾吸引！而且雖然偶有失敗不過看得出他真的很落力表演呀！真心！有被他感動到！最後大家都很樂意「付錢」，其實想用更好的詞語去表達可是實在想不到，我想大家都是被他打動了，才會付錢的，而且有些更是紙幣呢！我們三人也不例外，都各自奉上了一些表演費。

成全別人的夢想也是件美事呢！

城下入口處有裝扮成古代人的大叔，可以跟他拍照，看上去一本正經的大叔，竟提議叫我們扮給他斬XDD還擺出了十分有功架的姿態!!!大阪人真的很有幽默感啊！遠處有些拍照留念用的佈景板，站上去，你就變成江戶時代的人物了！然後時間都差不多，我約了那邊的虜友去玩！好像我每次都要遲到的orz…和雫(my 虜友!!)第2次一起去唱k！本來在回來之前都想去唱的可是實在沒有預留這種時間，而且可以和虜友一起去唱也實在太好了！然後晚上CHA &VA也一起去吃神座拉麵！真係好食呀！食完再去拍大頭貼，然後還去地下街吃又大份又甜的忌廉餅！雖然是一開五，不過都好飽啊，超漏！但真的很開心，覺得可以一起談天一起分享這些時光真的很幸福！謝謝大家為我送行！

14號那天去PURE SOUND作最後入貨(毆)，本來是想去見哥佬的！可是他那天也不在！太不巧了！不過卻掃了好多便宜的雜誌，只要5蚊一本也真的是太過了吧！晚餐是鶴橋風月的大阪燒！我真的很喜歡吃這個啊！有機會再去日本都一定會去食！晚上基本上都是在收拾行李和執書(汗)…本來也有打算不去訓的不過考慮到回程要花很多力氣還是去休息下比較好！

15號那天很早就起身，因為要趕電車！而且亞妹那天要見工沒法送我喇，嘛，都沒差！按原定時間出門口，雖然行李真的有點太重！不過比起搬家時已經要好得多…上樓梯時有位先生還自己走來幫我真的很感謝他啊！之後在本町轉車再去新大阪買新幹線的票，都很順利！而且基本上時間都掌握得很好，差不多可說沒有太多無聊的等車時間！坐上了十點左右的新幹線，要跟大阪說BYEBYE了！

由於買的是自由席，差點就坐錯在吸煙的車卡！幸好在到京都之前就發現，即時轉去禁煙的車卡，幸好還有位！其實上車之後有哭一點喇，因為真的有點捨不得，不過既然是自己決定的事，就只有努力去做啦！由新大阪去東京大概3小時左右，一邊看雜誌的話其實都不算太無聊，而且我也沒有睡覺的心情，想留待在飛機上才睡喇！在東京站下車，然後就直接轉乘NEX到成田機場。先前已經上網CHECK IN左，所以都冇咁心急，但都要去磅行李！一磅，個地勤小姐都面有難色，我都預左係超重，不過估唔到係重要去35.9KG囉XDDD之後行埋一邊拎返起D重野啦，點知拎左滿滿一袋都仲係29KG…再拎…27…然後地勤小姐都睇唔過眼，佢見我拎左成兩大袋野出來，佢都話今次算數，叫我下次唔好再咁重(毆)…謝謝你啊真係幫大忙了！不過之後就係拎左十幾磅行李係機場度行來行去…真係好重啊ORZ…之後都係過關，然後上機。

今次坐身邊的是位已退休的日本人姨姨！本來都冇打算同佢傾計的，不過因為佢好似聽唔到空姐講野，咁我諗住幫佢啦，原來佢唔係唔明，而係撞聾，之後佢仲多謝我同我傾計。 原來佢係轉機去印度做義工架，一年會去幾次，仲係幾個朋友都一齊去做義工，同埋以前佢唔識英文架，係佢返退左休之後先學架，但佢講得好好好標準！同埋佢話佢最鐘意去印度個度的MAIN TOWN CHINA食中華料理，佢話好好食，而且好平就可以食好多WO！佢真係十分之健談，基本上成程佢都冇咩時間係冇講野，係食完飯之後大家都訓左一陣。

落機個時都仲係一路行一路傾，因為佢要轉機咁我就同佢去搵個GATE啦，之後先出閘，媽咪已經等緊我喇！執一執返D行李之後就一齊返屋企！夜晚沖埋涼整埋D野都好夜先訓LU！

2010.10.11 THE FANGS OF KILLER「SEVEN」SADNESS-CASE 3-12012/凜@ OSAKA MUSE

成件事就係七不思議事件之一！！！

關於呢場LIVE，之前真係諗左好耐去唔去睇，一來因為係2MAN，二來又冇人同我睇…但係「SEVEN」真係好好聽，真心覺得佢地進步好多，所以都想去睇，但係都唔足以PUSH到我去買飛…直到見到須賀哥發表左脫退宣言，唔洗諗！呢家唔睇等幾時？唔睇一定會後悔，雖然之後佢仲有好多場但場場都唔係地元，而且這場是脫退宣言後的第一場，即刻就去買飛啦！已經係LIVE之前兩三日先買，都係242番，但CHA話個場係300人左右的細場，已經算係後…但個問題係仲未SOLD OUT(毆)…ANYWAYS，當日感謝VAVA同KAREN同我一齊搵路！真係轉左好多次都搵唔到(汗)！

6點開始入場，5點九左右先去到，但已經叫到我喇BOR！好快就上得去，tami想要的syu syu冇得買，tee又麻麻地，於是咩都冇買就入左去，連locker都冇租，入到去見丁前面仲好鬆動，就走左去右手邊的空位仲要算牆企埋角落頭，順便將個袋塞左去個ampifier後面XDDD其實主要見到頭3-4行都係數子，不過應該係凜開始先，所以我就坐低左等(毆)。

開場，原來個AM會遮住左個人架！完全睇唔到個上手！不過都冇所謂(毆)…一出來…就係好華麗…同有D面善(毆)…但係我完全冇做資料搜集就去睇，完全唔識佢地啊…不過D歌比想像中好，同埋個主音好搞笑，佢D動作真係誇張到呢…有一首歌係佢拎住把爛遮跳舞，但成件事真係只會令我想起龍貓跳舞個動作(毆毆毆)！真係好想笑囉個一下！之後MC時主音話在場好多人可能都係第一次睇佢地，或者係為左睇12012而來，但希望大家都可以由頭HIGH到尾，想大家都一齊玩開心D(其實係咪同我地講，因為我附近D人都唔係好郁XDD)，之後又繼續唱…整體感覺係比上次睇SADIE時同樣2MAN的HERO好好多…HERO真係睇完都唔知佢做乜…凜呢…都有紋有路(後來知道係因為有原因架ww)！其實佢地d歌都唔難聽架，不過都唔係我杯茶…之後有member紹介，講完一大輪其實都唔知佢地講乜(唔記得左啦)，但就好記得佢冇介紹個bass！但係主音就不停同個bass講野，同埋佢地又話同12012好熟，講到成日一齊去玩咁！之後個bass仲話以前同涉涉佢地發生過一d事，當時差點撞車好危險但係坐後座的涉涉佢地仲若無其事咁！傻仔係咪唔識驚！所以個bass就係咁話12012係阿呆(aho)，我仲諗點解你地咁大口氣(之後先知…)…總之唱左大半個鐘啦！

之後中場，我都第一時間企返出去，個時先係第3~4排，不過之後又再「涉」左去中間少少的位置企，一出場，係「seven」的「sadness」！好期待囉！亨亨好白淨好靚好似aiai(毆)！仲要亨亨係淺金色短髮+白色背心，真係驚佢凍啊！然後我照舊唔識分酒井同埋朋之(毆)，佢地真係好似樣(再毆)！不過兩個都真人有型過雜誌！跟住係須賀哥！你真係今日主角啦！不過又出奇地唔係咁「張揚」，比我想像中低調啊！然後涉涉！真係覺得佢會熱囉因為佢著住件ZIP UP但成場都冇除到！同埋都唔係真係好肥仔之嘛！不過當佢企上個小台度個時，我真心唔想佢跳落黎(毆)!!!!真係好驚啊如果佢跳落黎我真係接你唔住架XDDD

第一首歌係跟ALBUM FLOW！「JUST THE WAY YOU ARE...」！涉涉係背對大家面向亨亨唱架！！成件事好SWEET！！不過都好傷感！覺得涉涉真係由個心度喊出來…然後之後唱左好多我唔識的歌XDDD但係想聽的都有聽到，唱左「LAST TRAIN」同埋「配られたカード...」！呢兩首都係大碟內勁鐘意的！「TATTOO」都有唱！其他真係唔記得左！不過都好玩！然後有幾首歌比後面的人逆DIVE撞到好痛=.=所以之後去左後面的第一行…睇住佢地DIVE算！另外就係因為係2MAN，唱得一個鐘多少少但已經包埋ENCORE真係有少少唔夠啊…至於MC呢…涉涉沒有說得很傷感，但係有叫大家支持佢地，希望可以一齊加油！！好堅強啊！叻仔！ 成場LIVE都唔係想像中唔開心，相反大家都好落力！而且我仲執到TOMO個PICK!!!其實係佢一野飛左過來之後跌左落地撞到我隻鞋，之後我即刻落去執左扮無事XDDDD但係當MEMBER返曬入去之後前面都有幾個人傷心到暈低，都有唔少數子係側邊喊啊…
出去換叔杯CALUPES，之後就返屋企…然後返到去見到涉涉話大家對12012的愛好嚴格，唔通係因為我封信寫得太重口吻，嚇親小朋友XDDD？

然後！點解係七不思議事件？

因為原來凜個BASS…


個BASS好熟口熟面…

但係又講唔出佢係乜水…


直到呢場LIVE完左之後一個星期，同CHA去HOLIDAY OSAKA睇KANNI的時候見到佢地的POSTER，CHA先話我知原來個BASS就係KISAKI!!!!!!!!!!!!!!!!!!!!!!

頂！原來我去左睇世仇的LIVE啊(毆)XDDDDDDDDDDDDD

如果我一早知係佢的話我會唔會因為咁而唔睇12012呢？？
定係我會出去抖下之後到12012先返入會場呢！！

知道左係神之後真係SHOCK左好幾日XDDDDD

95。

說的是今趟來日第一場dir的ticket no。
95！
想起09年第一次來日本去新木場看dir，拿著的是2500以後的號碼(還好未到3000)！
然後今年年初去日本武道館看dir，拿著的是日本武道館追加發售的立見席(即是二樓最高那行後面的行人通道企位)。

然後今次是大阪第一場！第一次在日思夜念的場地(難波hatch)看dir！

08年年尾時和tami寫過review，說的是09年的抱負。當時我是這麼寫的：
「要看dir!!!!!!!!!!!!!!!!!!!!!!!!!!!!!!!!最好是和虜友(即tami)一起!!!!!!!!!!!!!!!
城hall是我們的目標!!!之後是hatch，新木場，blitz!!!!!」

08年的我，看過的dir live就只有他們02年來香港的那一場live而已。

早在2000年我就已經是虜了！

你問我為什麼一直以來沒有到日本去看他們，原因有太多太多，錢雖然是其中一個原因，另外也因為沒有可以一起去看的人，當時就只有自己一個，也許自己在家看dvd會比花幾千元到日本看較好吧？當時可能有過這些想法。到後來他們慢慢進出海外，到北美，參加各種大大小小的music fest，被小看，被嘲笑，當然也有支持他們的人，看著他們在海外(主要是歐洲和美國那邊)的市場不斷擴大，到可以在海外開自己的one man tour，我內心都從來沒有真正為他們高興過。因為我知道京樣在海外過得很不開心，而且那邊的所謂飯其中有太多不知所謂的人，他們不是真正喜歡dir而去live，只是因為「聽dir = rock = 壞 =身份象徵 etc」，我打從心底不認為對著這樣一班人唱歌是一件令人開心的事。還有也看了京的日記啦，那些說話要多痛有多痛，真的，為何這樣仍要繼續呢？我深知dir不是為了錢就輕易低頭的團，如果他們是這種方針的話我也不會跟他們這麼久。

唯一想到的就是他們想要藉著自己去改變一些什麼吧。

佛家有說「我不入地獄，誰入地獄」。不是說所有海外的人都沒有質格當虜，可是回想起來，最初他們不也是慢慢地一場一場live去教育日本的虜嗎。要跨過文化的牆壁，將自己的message傳遞出去，大概除了努力以外就只是時間問題。然後日子漸漸過去，確實情況有所改善吧，另一層面上他們的作品也更趨獨特，在歲月的磨練之下誕生的怪物—uroboros—就當我辭窮，我會說這除了是他們超越以往作品的佳作之外，更是越過了所有界限，所謂BOUNDRIES，在他們來說根本毫無意義，因為那並不是他們的目標。他們的目標從來只有一個——做自己想做的事，然後破壞並超越它。

UROBOROS一字的本意就只是如此。

然後當世人都驚嘆他們可以做到這樣高層次(我不敢說完美，雖然在我看來所有都是PERFECT)的作品時，老大卻對大家說「這是出道十年以來第一件有自信跟人說這是DIR EN GREY的作品」。這種情操要到哪裡找？HARDSELL「這次絕對是好作品」、「新風格，新嘗試」的樂團或團都見得太多了。你們真的有用心在做自己想要的作品嗎？透過作品想表達的訊息真的是心裡所想？還是只是一貫的陳腔濫調自怨自艾，覺得世界欠了你的愚痴話？COPYCAT的更加不用說，你對自己有交代嗎？

喜歡一個團，不只是因為外型，老實說外型什麼的不是不重要，在這個COMMERCIAL的社會，在這個將音樂當做ENTERTAINMENT的社會，外型會是一個初步的考慮因素。視覺系最初也不是全都是以漂亮外表示人的，有很多不是都以恐怖、可怕的造型示人的團嗎？可是只得那樣是不能夠緊緊抓住聽眾的心的。說來諷刺，做ROCK的人大多都是憤世嫉俗，透過音樂表達不滿的人為多，但這樣抓住的卻是各種自己所指控的人。ROCK這種力量對於社會來說，可說是「水能載舟，亦能覆舟」，因此才要建立和社會互相牽制的關係。

說得太遠了一點。

我想說的是，如果只是虛有其表的音樂，在我來說是不值一提的。
當我看回我追隨了十多年的他們，或者該說不止今次，每一次，當我回想起過去的種種，都驚覺自己在他們身上學到的實在多不勝數，更遑論被他們所拯救了的多少次的傷心失意。

我堅信音樂無界限這點。我相信自己所相信的和選擇的，別人的眼光和想法通通在我來說連塵都不如。因此我不會妥協，在追求自己想要的未來時，能夠幫上忙的人，畢竟就只有自己一個，因為是自己做的選擇，所以為了不讓自己有藉口後悔，我只相信自己，之後要做的，就是全力以赴，不管結果如何。

又說得遠了(笑)。

只因最近真的很多questions(不想用問題，因為不是troubles)，或者可說是thoughts，總之就是心裡有塊大石頭，搬走不是放置它也不是。然後在這個關節點，這張95號飛的出現，讓我重新pick up返一點，很重要的一點，就是「為了什麼而努力」。

那不是別人，是自己的事，所以，請相信自己所選擇的，引用圭仔一句：

「you only live once．」

9號的live，還有10號的live，儘管狡猾，但我會將所有都交給他們，然後帶著一個全新(重生)的自己再次出發！

不讓他們失望，不讓自己失望，也不讓重要的人失望！


08年review時寫的，在這接近兩年的日子裡已完成了一部份：和tami一起看live(新木場、日武)，這次是hatch，還有以後更多的未來！

一定會再見的！I KNOW！

amai！！！！！

THE CRY AGAINST...

白い光の中へ　そう目覚めさせてくれ　聞こえてるか？　
 激しく高鳴る鼓動　たどり着いた理想の場所
此処は永遠　鮮やかすぎる　真実の未来　
 俺は此処で生きてく　いつか消えるまで..

睇完上次「音龍門」個訪問再睇返THE CRY AGAINST...的歌詞
覺得好感動。

12月5號真係應該去見佢地的。

人算不如天算？

搬到這邊快一星期了！
29號：回舊居那邊的區役所取我的外國人登錄証！終於係有証居民喇(哭)！
30號：都係回舊居，幫vava搬屋過來！之後大家一起行出去心齋橋，從家裡出發計大概30分鐘就到！其實最初是想去超市的不過迷了路(毆)，然後見到tokyu hands的看板就決定試試走過去看看！想不到真的超方便連200蚊車費都省下！來回省了400蚊x 3=1200蚊！可以買多餐飯食喇(毆)！

31號：本來是打算一起出去玩可是這天下大雨！而且那天我要去見工！第一次啊！超緊張，前一晚為了寫一份沒有錯字的resume寫了好幾次啊！又跟亞妹練習一下日文和敬語等等，不過都沒用啦，而且又睡得不好，連續兩天都做惡夢，所以早上起來都沒有心情。晚了一點出門(都是亞妹太慢！)，差點遲到，因為找不到那家店，我又忘了帶電話！這種十年都鮮有發生一次的事總是在重要日子才發生！本來打算早10分鐘去的，但應該剛剛好準時才去到…首先填了一份表格，都是問你上班的時間等等，之後以為是店長見，原來是社長親自來見！搞到我仲緊張！！真係連話都不能好好地說，雖然也是盡力將那時候想到的話說出來，我一邊答社長就一邊點頭，不過也有見到他皺眉頭喇…當然就算你問我我也只是給自己50分，昨晚背的敬語全都吹走了啊…之前等社長來等了十分鐘，見面卻只見了個五分鐘，不過社長還幫我整好鞋子讓我穿又送我出門口，讓我更加覺得不好意思…算吧，當作是一次經驗！下次再有機會見的話就不會再這麼緊張了！然後因為社長說會打給我，而且vava又出左來，亞妹要去睇live，沒有電話的話會很不方便，於是就決定回家先拿電話…不過之後實在太大雨，都沒有再出去，晚上就和vava一起吃。然後亞妹那天去看doremi團，有得同makoto握手啊！所以回來之後有人興奮到傻左XDD

1號：因為天氣突然凍了很多，發現不太夠衫，於是和亞妹出去新開的UNIQLO平價服裝店g.u.看看有沒有合適的衣服！買了兩件棉質的長袖衫，特價後只要60塊，算是很便宜！！又發現大丸附近有一家小小的牛角包店，平時行過都會嗅到那種很香很香的牛油味，那天去看看，原來5個只要175YEN (35YEN一個)，嘩，真係平到呢！同亞妹share左5個，又香又熱又脆真係超好食啊！！最重要係咁平！真係發現新大陸啊！

2號：vava放假，一齊去呢邊的區役所登記返，之後一齊去行地下街，打書釘！真係好鐘意行書店同埋超市XDD
3號： 公眾假期！cha都出左來一齊行街！第一站係like en edison，又遇到人地握手會喇XDDD但今次真係唔識！然後無啦啦又比我地見到d bandman，真係唔係type囉！然後去pure sound，大獲啦，500yen 5本舊的phamplet，竟然有dir + pierrot + sads!!仲有vava的a9同亞妹的pla，掃左勁多啊(笑)!!!然後收錢個個哥仔好似miya叔！但係佢好cool囉！仲蔑左我兩次！我真係好想笑囉！因為佢實在係太搞笑！其實佢係一個amai既叔叔(毆)？下次再去笑佢先！之後大家拎住一袋二袋書去對面big step行kinji，好多古著呀！都幾抵！然後一齊去食牛角包，cha都大讚好食呀(然後佢話佢返屋企前再去買多左次食w)！跟住一齊去食山頭火拉麵，唔好講笑成間野就得我地幾個女的，全都係男人！味道ok不過細電左d啊(毆)！食飽飽一齊去影大頭貼！跟住cha見到個同學佢地就一齊返屋企XDDD

是說最近兩晚都同亞妹吵得好厲害，真的不開心！總是不能好好地說話，好討厭呀！不過呢家冇野啦！然後va說有天在樓上聽到樓下有人嘈交，笑到我流眼水，因為個個係我地XDD

聽日想去圖書館，但係來回要成460YEN真係有DD貴，不過都想去一次睇下。同埋我地呢邊好近大阪城公園=好近城HALL，等遲D有紅葉個時真係要去影下相！期待！