請容許我先打琴晚的repo!!!
之前在little hearts的event上已經睇左佢地一次，今次係第二次，上次睇完已經好期待今場live，但琴日身體狀況又差，起身個時都有諗過不如唔好去，又要搭成個鐘頭車，來回車費都千幾yen...但係下午食左少少野之後就好返dd，既然都買左飛，去就去啦！
在大阪難波站搭阪神電車就可以直接去到三宮，其實大概40多分鐘就會去到，一入去有位坐，但隔離係個好奇怪既男仔…佢好似成日都疑神疑鬼咁…搞到我都坐得好唔自在，於是就轉左去隔離行一班好嘈的中學生前面有個位。個班學生真係嘈到呢！其實好多人都唔GUR佢地不過冇人出聲囉，咁我又唔想理佢地咪聽歌囉！一直坐到三宮，大概5點9就落車，但係我唔記得邊個出口出，就是但出左一邊ORZ上到去見到交番出面有地圖就行埋去睇，都唔見個D街名o既…好在警察哥哥好好人，自己走埋來幫我仲教我行，感謝！行過去大概5-8分鐘路程，見到lawson門口已經排曬人！個時已經叫番號叫到120左右，我就221，咁咪行埋一邊等。有個女仔唔知係咪想買當日券又走來問我…我都唔知頭唔知路！
好快就到我入去，個場好細，其實之前check應該係企300人左右，不過佢仲有當日券，即係冇soldout到！今次冇租LOCKER，因為實在唔太多人，又冇沖去前面，最後我企左去一樓最後面有個小台階的角落，可以挨住仲係PANEL隔離，超正！前面同隔離的飯又好人，原來今日有隊guest band係HERO，都唔識佢地，一心諗住係ONE MAN架嘛！！仲要唔識個隊BAND，真係想坐低扮睇唔到就算XDDDD不過都有企起身，同埋我個位未開場就會見到PANEL姐姐張SETLIST…佢地唱8首歌又有MC，真係有排等！D歌又唔係好ARM我，唯一係個鼓手好似幾靚仔XDDD個主音好嘈呀，成日MC都串我地幾個企段面的人冇反應，係咁迫我地做FURI！！好煩呀！又係咁講爛GAG又強調自己今日同SADIE TWO MAN，拜託！明明見到出面POSTER寫係GUEST BAND=3=....anyways…佢地唱左差不多9個字，之後再等多4個字先到sadie！！
一開始唔知點解係tsurugi出來先！我以為係小景先架嘛！亞劍好瘦！塊面冇肉架！不過個妝幾襯佢，但真係麻麻地佢，所以冇咩留意XDD小景真係好可愛，好有心心的影子，不過真人仲靚D囉比起平時D相！好鐘意！(毆)之後！亞季！！！上次睇完已經覺得佢真係好型！雖然個個炒麵頭真係好難睇(毆)！但係佢真係cool到爆左！！！今次仲要對正佢！跟住美月，好鐘意美月呀真係！！！！！佢真人其實真係好ok架！！！平時d相真係醜化左佢！！不過諗起佢個生腳誘惑真係唔開胃(笑)。最後梗係我仔！！小真緒(心心心心心)！上次o係二階望好細粒，今次對正望佢都覺得真係好細粒(毆)！！！好似小朋友咁細粒啊真係可愛到癲左！同埋真係靚，咁樣睇唔似京京喇！分得好清楚呢家！
第一首就係新歌「cry more」，仲未聽full所以唱到中間先知係新歌(毆)！之後又係「black star」，第三首係「迷彩」！！！正，估唔到可以聽第二次！！大合唱真係好正，不過都係爭少少聲！基本上有時會聽唔得好清楚，但都唔係爛。之後開始唱d我唔識的歌XDDD其後有唱到「dress」，有幾首未聽過都覺得好聽，真係想搵返個setlist！玩玩下我都忍唔住bang埋一份！之後仲唱左「心眼」，最後本番以「Grieving the dead soul」完結，超正！！小真仲除左褸著住背心咋！！！好細隻好得意呀！！唱完就即刻返左入後台！之後大家開始叫encore！
不過一早就知encore得一首，因為裝到個setlist XDD 一出來，大家都換曬tour tee！美真都係pink！aki係黑色！小景同劍我都唔記得左XDD小真仲請埋HERO個主音同結他出來一齊傾計，但原來小真唔知人地主音叫咩名XDDDD搞錯呀你冇去同人打招呼架咩(笑)反而好似佢同個結他就熟D！之後小真同主音o係台上握手XDDD好搞笑ww個主音又講爛gag呀，叫大家返去yahoo度打神戶同埋佢個名去search下=3="....之後佢仲話自己細粒，然後小真話「唔係呀，我同你差不多高！」其實小真好似仲細粒d(笑)之後交左比個結他手，好似大家講開話以前有冇幫邊隊band做個roodie之類，跟住大家去問亞劍，佢好似發緊夢唔知大家講咩www同埋佢本身枝MIC比左個主音拎住左，佢冇MIC用XDDD問埋小景，跟住梗係問亞季啦！但佢真係好怕羞！！！之後比小真話佢成日都唔講野(梗係，你估好似美月咁嘈咩ww)，之後美月話今日亞季講左咁多野真係一個legend！！！！好衰呀！！但佢今日又真係講左好多句！同埋成日都走去前面，所以睇得佢好清楚！雖然佢走左去前面但其實佢都冇咩動作，都係企定定咁望住大家XDDDD之後亞季唔知係咪怕羞，佢就轉來轉去想比枝mic人地，好可愛wwwwww於是又比小真笑佢啦XDDD同埋佢地有講twitter，但係亞季冇開到架嘛，佢連ameblog都勁耐冇更新！！快d更新一下啦好期待睇佢打d英文answer！！
傾完之後就唱埋LAST SONG！跟住小真係咁倒水比前面D人！！好在冇企前面唔係一定濕曬(毆)！亞季每拋一個PICK都會先放去口度咬一咬(含一含？ww)先拋，不過接唔到啊orz好想要！之後小景的sticko係我前面再前面！比人執左，但係佢送左比我隔離個女仔，佢勁開心啊！佢地又執到唔知邊個枝水！亞季連拋pick都係好冷靜，之後唔知點解小景又執到個pick拋比飯~跟住佢仲走去前面同前排d飯係咁拍手！！好amai啊！！真係好開心，臨走佢仲唔知扮邊個卡通人物講野XDDD好cute！！最後入去係美月，佢仲企上台同大家講多謝，再同大家深躹躬！！所以真係好鐘意美月！！！個仔就交比你照顧啦(誤)！！之後一個唔小心又買左件tour tee(毆)！因為美真都著pink所以我就買左pink！其實都有諗過買aki著的黑色不過都係鐘意美真多d！！連個膠袋都有寫住sadie架~正！
「今日はレジェンドがみれましたね。笑」 by 美月 XDDDDD
返到來見到呢一句真係覺得好amai (心)！不過今日起身個肩膀好痛呀！但係都係等唔到亞季的更新(笑)唔知年底之前佢會唔會更新一次呢(笑)
仲有就係可以見到美真真係好幸福(心)！
沒有留言:
張貼留言