人生第一次睇PAPA！呢一日仲係中秋節，慶團圓啊(心心心)
本來這場LIVE的一個星期以前都有一場SADS的ONE MAN不過SOLDOUT左啦，冇得睇，呢日就著左個日買的TOUR TEE去撐場！場地是SHIBUYA-AX，不過又唔係好識去，差少少又行錯路，好在見到個清飯就問佢點去！其實去到已經好遲，應該仲有15分鐘左右就開場！首先去拎左locker先！之後入場，好想買GOODS呀不過我冇拎到錢！好在！所以冇敗家！不過SADS個HEADPHONE真係好靚囉！！入場冇睇番號，可能因為係EVENT吧，D飯都轉來轉去。
入到去，梗係搵個好位先！首先係企係蔑二中間的第二欄。唔多人囉，D人都企曬後面，可能未係時間唔想迫住！第一隊幾好聽！不過唱得2,3首！之後我企前左少少，第二隊又冇第一隊咁好聽，但都半個鐘！等的時間真係好悶！之後第三隊！我企左去埋邊挨住條欄，然後隔離有一男一女的清飯！之後問佢地幾時SADS啦，佢地話係最後，咁即係有排等…完左呢隊，佢地SIP左上去前面面第一欄的出入口位，我又跟住去，個時已經好迫！但係個隊野真係唱得唔好聽呀，個個女主音…唉…之後係咁同人迫！到SADS，我跟住佢地一直向前，最後係企左去對正主音的第3行！前面有個男仔有少少高不過都OK！好清楚的位置！
PAPA未出來D飯已經勁迫啦！終於有返睇LIVE的感覺！但一出來，就更加不得了！大家係咁狂叫「清春！清春！」真係叫到癲左！真係好難得會聽到其他MEMBER的名，根本就好似PAPA個人SHOW！不過KAZ都好多人叫佢！可能係另一邊！一開場，就係EVIL！GOTHIC CIRCUS！真係定番啊！我件衫第二首歌就已經係濕曬！真係勁HIGH！主要都係唱返新ALBUM的歌，都有唱VEMON同埋WEEKEND IN THE LUST！仲有PAINT YOU！SADISM！其實都記唔到歌名，但首首都好好玩！同埋PAPA成日都走來走去，企上個台度勁清楚！佢仲要勁早除左件外套，型到爆啊！
之後papa成日都講爛gag XDDD即係講下斷下又話冇野之後再等大家lur佢講XDDD同埋佢成日都話自己係叔叔XDD好搞笑囉papa！ 同埋papa身型真係fit到漏油！平時見佢得棚骨，但係真人佢唔係瘦到咁囉！係有肌肉仔架！同埋眼角都係有魚尾紋架(毆)XDDDD但係真係好model，行出來已經係氣勢！然後就宣佈O黎緊會有新碟啦…都係賣廣告XDD然後唱左CRACKERS BABY，無啦啦我個頭比人一野兜埋黎，原來後面D人DIVE啊！勁痛！之後我見到隔離的大哥踎低左，我又學佢囉…因為唔想比人撞！！完左本番PAPA就返返後台，之後大家梗係就叫ENCORE！都好快PAPA就出返來，同大家講左少少野，之後又唱！今次仲唱左SANDY！痴線！！！真係最開心！！唱完就返入去了！個時我對手痴曬隔離D人D頭髮真係好嘔心=3=...出返去換左杯可樂，呢個時間真係好想TAMI同德同學會係一齊可以SHARE！！雖然唔係ONE MAN但都唱左成個半鐘，真係好值得，下次好想可以有人一齊去睇PAPA！
沒有留言:
張貼留言