本來有opening act skull架，不過我遲左少少先到，冇睇到，入到去又掛住買good，所以算吧啦~mea的goods唔靚冇買到，買左mero都有的kiddie tee，仲有kiddie的膠file比亞妹！有樣架都好靚！仲另外買左merry tee，因為想著住去同nero哥哥握手呀哈哈！順便仲拎左好多flyer~本來都有d唔好意思但我見d日飯都拎好多，咁我就唔客氣啦(笑)！之後差不多夠鐘，我就上二樓，個位係勁右手邊！不過都算睇得清楚。
第一隊竟然是MERRY！有點意想不到囉！
SETLIST：
SE（ジャパニーズモダニスト Trash mix）
01. ジャパニーズモダニスト
02. sweet powder
03. Friction XXXX
04. [human farm]
05. The Cry Against...
一開場是JAPANESE MORDENIST！癲左！我個下係感動到想喊！講堅！真係冇諗過會再次聽到！仲有全場一齊唱最後個度「海よ～」真係超超超感動！仲有firction xxxx同埋human farm真係好似去返09年同tami一齊睇個場o既感覺！！之後唱the cry against...，現場真係好正！！同以前的merry好唔同但係好黑暗好有質感！！好想可以聽埋monochrome囉！！感覺真係唱得好少，唔夠喉，同埋gara最尾都有做佢個招牌動作打筋斗！然後nero哥哥又出來多謝大家！好開心聽到佢把好得意既聲(笑)！之後就等喇…
第二隊係我唔識的deluhi，所以冇心機睇，中途仲訓著左(真係堅訓著左我都唔知點解咁嘈都可以訓得著！)！
第三係sadie！終於等到個仔(心)！遠睇比想像中更細粒XDDD一開始就迷彩！仲有FAKE STAR！之後無啦啦比我見証到美真KISS>///<！！！勁得意囉佢兩個！！！小真係彈彈彈咁跳埋去美月度架！！得意到丫！！但之後D歌都唔係好識(毆)，好快就唱完，但係之後會有得睇佢地所以都冇咩所謂！
第四係THE KIDDIE！已經係第二次睇佢地！仲要兩次都係EVENT LIVE (毆)！
SETLIST：
01.smile.
02.elite STAR+
MC
03.Calling
04.BLACK SIDE
05.ポプラ
一開始就係之前隻single「smile」，真係冇聽過架我，係比人洗腦所以識咋(笑)！第2首都係！估唔到又會聽到！真心覺得今次搖紗唱歌好聽左(毆)！仲有sorao本身條褲腳有一隻係摺起左架，但係好快就見到佢跌左落o黎XDD不過今次冇咩星星，可能因為個HALL太大啦！
第五隊係Lc5！真心想問佢點解可以排咁後？因為AN CAFE 上過日武？但呢家係MIKU SOLO BAND WO！ANYWAYS，本身係十分唔鐘意聽MIKU唱歌，但係去到Lc5又變得ok好聽wo(毆)！至少唔會悶囉！同埋可能係佢把聲本身係厚底，唱呢d歌反而好似arm佢多d！好過佢一味扮可愛！唱左幾首歌都唔錯，仲有一首歌係比較靜的都幾好聽！雖然唔會令我想去買佢隻碟不過個印象幾好！同埋都真係好多飯係睇佢地囉！好多人叫miku！
最後梗係惡夢啦！！奇怪的係佢地set場係冇拉埋個幕！見到十幾廿個roodie係度搬野搬左好耐都真係有dd悶。之後仲見到有個ruka cos同yomi cos一陣企，勁得意囉佢地！之後MEA一出場，真係全場都企曬起身！根本就好似佢地ONEMAN咁啊誇張到！！RUKA係好簡單的黑色背心+中長褲！我懷疑佢係著拖鞋(毆)！珍珍好有型，比起平時影相佢型多3倍左右XDD小柩勁勁勁得意！其實唔係真係好肥只係大份o者佢！姐姐好遠(毆)！！yomi都好細粒啊！！一開場第一首歌，竟然係PARADE！！！！！！！超驚訝！！！但係太遠睇唔到D鼓究竟係咪RUKA打(話說CD VERSION開頭D MARCH IN唔係RUKA本人打的)！但係現場聽到呢首歌真係好感動>.<接著係新歌「A.FANTASIA」，唔係我鐘意的不過都OK。之後應該係 GIANISM其中一首(毆)，然後係LOST IN BLUE！！！好正啊！又係估唔到會唱，唔通呢首都係LIVE定番？？真係好好聽不過YOMI唱錯左少少歌詞XDDD
更不可思議的是之後竟然會是東京傷年！！！！媽啊！！未出發時已經同朋友講話想聽HATE呀SHIAN呀個D，話如果佢唱埋東傷就要跳落去XDD點知真係會唱東傷！！唔通因為十週年？？但點都好可以親身聽到東傷係我一個夢想！多謝你啊大佬(心)！！仲有小柩的和音，真係好感動！仲有唱左極東亂心天國！又係痴線！呢D歌真係唔係隨隨便便你想聽就會有得聽到！仲要係EVENT LIVE！真係十個開心！MC時間其實講左好多野不過我都冇咩印象XDDD同埋我成日都以為LITTLE HEARTS係賣銀飾物原來係CD店XDDD好大的誤會喔！之後本番完左，RUKA第一個就走左入去啦…真係快到神龍見首不見尾…然後FANS開始叫ENCORE！本來都驚會冇不過有得再見到RUKA真係好開心囉！
再出場，小柩話今日只係聽到大家叫YOMI，佢話想聽下大家叫佢XDD好可愛！然後又叫大家一齊叫ZOZZY(笑)！我想一齊叫RUKA啊(心)！之後再唱多兩首歌，竟然會唱墮性BOOGIE！OMG！我實在係幸福到唔知講咩好！但係仲有一首歌我就唔記得左喇！但係睇返個SETLIST已經覺得成件事好不可思議！點解會發生係我身上架(毆)！
ENCORE完場之後好搞笑，小柩拎住枝水想淋珍珍，開頭珍珍都好退縮，之後突然一野搶左枝水係咁照頭淋返小柩XDDD好慘啊！然後姐姐好勁！佢拋枝水拋左上去二階！不過係另一邊！我除左好佩服姐姐的力量之外，仲覺得接到佢枝水的人應該可能會比佢撞到暈左XDDD總之成場都係好開心，YOMI又真係唱得好好聽，聽得出佢下左好多苦功去練唱！講真睇完真係好想買飛去睇佢地的HALL TOUR不過D時間真係唔係好夾到，又遠…快D開細場比我去望下RUKA啦(毆)！！！
沒有留言:
張貼留言