再見東京。

9月29晚執到兩點幾先訓，點知個晚仲要發惡夢，訓到4點成身冷汗醒左…再起身已經係6點，即刻換衫刷牙再收好埋D日用品…韓國的室友SURI已經等緊我地喇，因為前一晚同左佢講我地今日會走，咁佢返工前就同我地影相~其實當日仲有平時好照顧我地個個韓國女仔都返韓國，不過見唔到佢，都好想同佢影相呀…之後執好曬野，在門前影返張相先！

大家都一副戰鬥格！因為好多行李呀大家都！ 浩浩蕩蕩就離開住左3個星期的地方——北赤羽！向著新宿出發！去到新宿，但搵唔到個出口…原來係好偏遠…最慘係有D地方冇電梯，要抽住個GIP上落…真係少D體力都唔得！去到個站，都好多人呀…但係拎住咁大行李的都係得我地…等到8點45分左右，終於到我地上車！架車係一行3個位，原來都唔係連埋的，所以都好鬆動(以我地SIZE來計)！同埋係premimum，所以有得long腳又坐得舒服d！不過都落住毛毛細雨，準時8點50分就開車喇！byebye東京！

一上高速高路就只係見到d山…同埋天氣唔好，好大霧，d山同d霧就係好有層次感咁交疊在一起，其實好靚有如身在仙境…ha…經過左好多地方，第一個中途休息站係10點半左右，比大家落車行下舒下筋同埋去廁所。其實車上都有廁所不過好細同埋都係有d臭，所以大部份人都係等落車時間去廁所。我就肚餓所以去左買個飯團，但係得豉油味係我食(笑)。一邊坐車一邊聽歌，其實我好想打電話返屋企(淚)…每次每次聽到LM.C的「我們的未來」就好感動，真係好想11月去睇aiai生日個場呀…之後第二個中途係差不多十二點，但係個個站冇咩野買！又落雨！再上車，到第3個中途站終於有多D野食揀！買左三交治呀，之前池袋都食過，好味！中間經過左岐阜，金澤，養老，中津，好多地方，都記唔曬！4點幾開始就有人落車喇，最後我地係準時5點26分可以落車，真係好西利，準時到咁！

 我地GH個負責人黎左接我地，但佢見我地拎住咁多行李都O左咀…好在都有幫我地搬下…但係之後落雨呀…好慘…個GH又少少遠，搭地鐵我仲唔記得拎車飛ORZ出左站要行15分鐘左右！係咁行係咁行…可能因為累啦，真係冇曬心機…而且呢度又冇之前東京個度咁好，始終都係平，呢家間房得一張床，有冷氣，之後就乜都冇…雪櫃勁DIRTY，廚房都係，D人用完D野洗左都唔乾淨既…反而VAVA個邊因為有個人有潔癖所以佢地個邊整齊D個廚房！我呢邊真係見到都唔開胃…ORZ…然後第二日想洗衫，但係洗極都話有問題！唔知咩事一機衫洗左十次都係唔得！最後因為趕住出門所以就咁扭乾佢地算…好低能…仲要麻煩vava佢地來煮飯…真係唔好意思！

之後一齊去區役所出發，行左差不多5個字？一來行得慢二來好曬又好累…行到過左都唔知！好在VAVA叫住我ww入到去，填表，對名，交相，其實都好快，不過我D字太草，人地要同我確認一下點寫XDDD搞店之後在附近行下，見到有架二手單車，全PINK只要5800！係平時的半價！真係好想買，因為呢度全部人都係用單車代步架！但係咁早…都係唔買住！遲D有工先買啦！呢家有時會去VAVA度食埋飯先返來，個邊煮感覺都乾淨D…但我冇風筒用！要等亞妹下星期來先有！點算！唔通真係要去VAVA度沖埋涼？(笑)