搬屋先黎落雨。

琴日係來到日本之後第2次搬家！之前幾天天氣都不是很好，但前日係ok架…點知琴日又落雨ORZ...出門口個時都好細雨架，點知去到新屋個邊充橫風橫雨…其實本身舊屋出去地鐵條路已經好遠，平時行都要15分鐘，琴日亞妹推住自己個大箱+旅行袋，我就一大箱一小箱+兩袋行李，真係行一陣就要停一陣(哭)！出門口時同台灣的姨姨說再見~可能佢好開心我地搬走因為我地平時太嘈XD 落地鐵，入左張飛但係又行唔切(太多野)，張飛比個閘食左，個票務員見到都唔幫我地要等我地開口問佢先幫我拎返張飛…之後一上車就跌左亞妹把縮骨遮落路軌orz…想執都冇啦！之後去轉車，都好在有lift搭，不算太麻煩…到左落車站，要上樓梯(哭)…其實都有兩三次有途人自動話幫手，有個仲係西裝的白髮伯伯，邊好意思叫人搬啊！一陣佢斷左腰骨我都唔知點算(毆)！不過都好感動，所以更加要努力自己搬，不過亞妹又成日都唔聽我講，搞到side左好多時間…上到地面已經冇左半條命，兩隻手又勁紅勁痛…因為兩個gip都著實係好重…仲要落雨…行幾步都已經成件衫濕曬，倒後行又撞到柱(毆)…之後亞妹話不如佢推個gip去gh先之後再接我，咁我都覺得好，就係街邊等佢，個20幾分鐘真係覺得好淒涼(哭)…然後個腦入面就係諗住sid首「rain」(毆)…真係點解要咁對我啊成件事…之後等亞妹回來再入去…終於可以唔洗風吹雨打喇！！返到房真係好想訓一陣，不過都未可以鬆懈，因為咩都冇，之後抖左一陣食少少餅乾就再出門口去添置d家居用品！

本身由舊居去新居不到30分鐘的路程，我們琴日用左差不多兩個鐘先去到。

然後晚上出去心齋橋，呢度好的地方就係以前去心齋要230呢家只要200！所以行少好多路！同埋我懷疑由我地家行去心齋應該都係30分鐘以內！有機會要去試下！
首先去買亞妹要買的軟塾，之後經過bigcamera就買左lan線1開2既hubs同埋lan線，都搞左好耐，之後再去高島屋那邊的daiso百yen店，買左d煮房野，跟住是但在對面一家餐廳食左個大盛的炸蝦飯，不過d天婦羅唔得呀林曬！但d飯就夠飽！食完之後就回家，然後要setup network好在都好順利…其實我想話自從我地下午搬完屋出去之後成日都冇落雨囉！太可惡真係，得我搬個時先落咁大雨(哭)！！仲有就係gh準備的床舖個d都好dirty，比起之前住個間呢間更加好似冇洗過咁…不過暫時都用住先啦！！好在呢家住得低層，夜晚都唔大風又唔算好凍，唔洗開暖氣都仲ok！不過呢度到十一月中都有工程，每日都會好早比佢地嘈醒…哈…

然後今日終於拎到外國人登錄証喇！！可以搵工喇！！即刻再send左幾份！希望快d有回音！然後聽日去幫vava搬屋，不過天氣報告話聽日打風囉頂(毆)！！唔該唔好咁大雨，至少我地搬個時唔該唔好咁大雨！！！