今日同HKS大人約好左拎碟~本身都諗緊食咩好，好想食拉麵，但因為之前見到一幸係網上比人講到好差，我又驚大人唔想食，可能佢想食一蘭多D，最後我地都係決定去一幸，因為一蘭冇得坐耐D，又要分隔開我地(毆)去到又唔洗等位，見到對面豚王已經排曬隊咁…我一次都未食過呢。今次冇食最愛的黑湯，想試返最原本的味道。等左一陣，終於有得食，梗係飲啖湯先啦，一飲…正呀好好味(哭)我好耐冇飲過呢個湯底喇好似粉葛湯(毆)真係好香的豬骨湯！個麵我叫左要軟麵但都比我想像中似普通硬度，都OK~叉燒好瘦啊~唔通係特別優惠我？(毆)
總而言之，其實真係冇差到wor~問埋第一次食既大人，大人都話佢覺得好食過一蘭同埋豚王，因為比較有自己特色，而且好多蔥好好味XDD
而好耐好耐好耐冇見既新伍就話「我頭先聽到把聲好熟口面但又唔見你講日文，以為唔係你tim！」=口=搞錯呀，無啦啦又點會講日文-.- 不過佢話我大個左~haha~我當係讚美架喇(毆)同佢傾左一陣，臨走佢仲送左一幸舍既杯麵比我同大人！好開心呀！
講返大人，真係超級超級好人，佢知我地冇碟睇，自己未睇曬都借左比小人我睇，話下次睇到DAY2就叫埋佢一齊去睇(淚)天呀點解你咁好人架！我要多謝京少(毆)！京虜真係好好人呀！太愛你！之後同大人去睇書，有本書好搞笑講D白痴低能時下日文，好想睇www仲有本書講wabi-sabi(日本既設計中的禪)好輕好細本好薄，好正。(其實最初睇左做wasabi)
跟住又去行左陣街~然後夜晚同亞妹去食丸龜烏冬，個天婦羅凍左既…食飽飽又去敗家，買左個好平好抵買的袋！可以去旅行用喇(<<藉口)！不過唔知係咪食左熱氣野，呢家喉嚨有d痛…個頭又有d痛… 唉但我唔想又去睇醫生，醫生都唔想見到我(一定係！)…
然後今日第一次拍片講自己用開的product~估唔到大家反應咁好XDDD
其實都係因為應承左膠膠話拍比佢睇所以拍…我都唔知自己講咩好(汗)
不過大家鐘意睇，拍黎笑下又冇所謂呀~反正D野都係買左係度。
啊話說琴日好白痴地一個失神針水時手一滑就成杯熱水淋左落大脾…好熱呀QQ
個下真係唔識叫痛，雖然唔係滾水不過都係可以整杯麵個D熱水…個大脾即時紅左呀
膠膠好好，幫我抹之餘仲二話不說走去買左枝湯火膏比我…好感動QQ多謝你呀！
茶左好多上去，雖然仲有少少慶但係已經冇咁紅…我仲勁噴個benifits個保濕水www
雖然痛在腳但係暖在心，多謝膠膠，最搞笑係枝野jit出黎…好似屎XDDDD 笑死左
然後今日膠千叮萬囑我…叫我唔好做某件事…咦…點解比你睇穿左架！你真係料事如神(毆)
雖然我自己都覺得再做就錯架喇不過我都好驚自己傻左…嗯…分下心先。
好期待星期一呀！
沒有留言:
張貼留言