8月。

話咁快已經係8月上旬。
回顧下呢幾日的事先…

星期六買左早場同茶茶vava一齊去睇「inside out」，本身都預左好睇，睇完都真係覺得好好睇！除左對5種感情既描述同表達好好之外，講腦入面對記憶同情感運作的部份又簡單又得意，就算小朋友唔知咩係大腦運作都會知原來D記憶可以咁收埋的~又會唔見的~同埋將記憶由4D>3D>2D>1D化個度都好正！同埋主角上左車，亞樂同亞愁唔見左個時，個PANEL突然壞左，佢地講左句「呢家佢對我地無曬反應！」都好正，因為我地成日都會無視自己既感覺，尤其係傷心失望到極點時。好在最後佢地都成功返返去，而主角都可以有個更完整的感情世界。

之後去女人街食野，又幾好食wor，然後同vava行左一陣又敗左家…買左對好平的平底鞋~返到去換衫時覺得塊面乾到爆，唔知係咪太熱太焗的關係呢！夜晚就同bb 同同學仔去cafe，好耐無去過了，d野食又好食！玩game都笑到喊haha~過左個好青春既晚上！

星期日夢見京京呀(心)呢日同家人去海洋公園，好耐無去過了，今年生日可以是但一日入去玩仲可以帶埋4個親友有7折，真係好抵！好耐好耐無見過企鵝仲要係好近！佢地真係好飯好得意呀！見到佢地係最開心的！其他動物都好得意既~又買左可愛既企鵝被！多謝曬！