DIR EN GREY TOUR16-17 FROM DEPRESSION TO ________ [mode of鬼葬]香港公演

2016/10/28
DIR EN GREY TOUR16-17 FROM DEPRESSION TO ________ [mode of鬼葬]香港公演
SET LIST

01.鬼眼
02.ZOMBOID
03.Chain repulsion
04.SUSTAIN THE UNTRUTH
05.鱗
06.24個シリンダー
07.Bottom of the death valley
08.輪郭
09.鴉
10.逆上堪能ケロイドミルク
11.Mr.NEWSMAN
12.The Domestic Fucker Family
13.FILTH

EN
01.G.D.S.
02.JESSICA
03.umbrella
04.詩踏み
05.Un deux

每場LIVE對於每個人的意義都不同，但只要是真正喜歡的，每場都是美好的。
14年前2002年4月17日人生第一次參加DIR的LIVE是在香港，對於當年還是學生的我來說，不用去日本就能參戰便已是賺到了。本以為以後都有機會再在這裡看他們的演出，想不到原來發生了很多問題，結果就是他們基本上放棄了這邊的市場(雖然，也沒有很大喇)。然後十多年間V系文化熱潮急劇倒退，樂團本身也經歷很多，算是越挫越勇，沒有在新舊浪潮交替中迷失，反而在國際市場定立了自己明確的位置，我不敢說是前無古人後無來者，但以影響力來說，絕不亞於所謂主流的音樂。而期間我也漸漸有點點能力可以親自到日本參與最原裝的演出，那已經是相隔7年後2009年5月的事了。此後也有間中到日本參戰，老實說現實不容許我每次都去，不過能夠一年見一次已經覺得滿足。事隔14年誰又會想到竟然有機會再次在地元參戰呢？而且還是跟當年同樣的大碟，有時真的覺得冥冥中是有主宰的，14年前欠落的債，今天就讓我們去償還它。

感謝友人幫忙爭到VIP票還要是很不錯的前番，FANS心態就是要打扮得美美的去見男神！他一定會見到我的哈哈哈(羞)。不計前一天去剪髮時遇上了很差勁的店主、不計簽名布在印刷時有錯漏害姐夫要一早幫我去拿的話其實算是蠻順利的(毆)。當天跟台灣來的捲毛、姐夫、MANGO、REA和MING一起出發，似乎大家最擔心的是會不會吃太多拉肚子(是緊張還是被壓太迫呢)。上到去先幫簽名布開光，然後STAFF叫我們去排隊…總共是換號碼>換VIP禮物>買GOODS莫名其妙的排了3次是為什麼…本身不打算買TEE的但原來背後印有香港場的日程所以雖然不太美還是買來留念了。之後有點餓所以去麥記吃點東西，然後是上去排隊(第4次)等看綵排和握手，幸好和麻美是連番所以不會太悶呢。叫人排隊的實Q有點燥狂症，我都說要先簽好名再去排說了3次，其實6點才入場那時只不過是5點3，當佢耳邊風。其實在外面一直都聽到音漏，感覺是緊張又有點放鬆(很複雜的心情)基本上是心電圖那樣高和低反覆出現ORZ。終於等到入場，由於是按序號的所以很容易就站在最前面，這裡應該是B區，但前面無人所以都看得很清楚。說是綵排其實也沒有什麼不同喇，練習了3首歌，「輪廓」「SUSTAIN」和「UN DEUX」，其實在聽到SUSTAIN時我已有點眼泛淚光，不是因為看綵排感動而是覺得他們真的很帥，當時腦中閃過的字是「一生的憧憬」(沒有誇張)，覺得能夠追隨他們實在太好了。綵排時的大家不知是不是也有點緊張呢基本上互動什麼的都沒有只多了STAFF會開咪指示一下。京京還是小小的很可愛，穿了黑衣帶了黑超，每首歌的間隔他都會坐下在鼓台然後又飲啖水又拉下筋的，見到他將自己整個人摺埋(其實只是向前屈曲身體啦)真的萌得不得了(心心心)。3首歌的時間很快過去，見到MEMBER走到台下，大會突然宣布現在開始握手叫大家要向左轉，什麼？？也太隨便了吧，突然又緊張起來雙手冒汗，說到這裡不得不提是我穿了MING送的的「京」字衫，當然是為了要給京京看啦(心)。基本上每人只有1秒時間所以我全員都只是雙手握手然後說「ありがとうございます」而且這句也是心底裡最想跟他們說的話，雖然最愛係京京不過DIR是5人缺一不可的。握手順序是TOSHIYA>DIE>心心>京>老大。由於前一日已見過T所以對於他的緊張感是零而且他都不是我杯茶所以只是很單純的跟他握個手就可以喇。大叔總是很歡容的樣子所以也沒有緊張。心心感覺好像不太想握手只是淺淺的比個指尖我地店下…明既公主係咁的，要有返D京遲。然後是待望的京，等左15年終於可以同京京握手喇媽呀其實個下我無好緊張但係見到帶住黑超既京京歡迎緊我我個心真係小鹿亂撞呀!!!!!!!但係都唔知咩原因我個下竟然斷左片呀!!!完全無同京京握手既實感!!!!因為我仲記得下一個老大佢好似溫柔實質未訓醒但又令人安心既笑容，出到去見到虜友們，佢地個個都說京京是握得好大力的，我呢??????點解京京無好大力渣我(隻手)架????明明我都已經著左京衫表明立場架嘛點解我完全無印象既媽啊我想入去再握多次啊真係喊出來。唯有握下虜友們感受下個力度啦。其實5對手都唔似麻甩佬手啊個個都好白滑真係天生麗質。握完手太衝擊，冷靜一下又要準備排隊(是日第5次)，不過今次我點都唔早排喇所以去左拉下筋坐下。題外話是大會準備的禮物盒不知是誰玩野，一開頭竟然是寫了MEMBER的本名(大大隻新倉薰)真係嚇死小朋友我呀。簽名布都收集了不少簽名，來自世界各地的FANS都有，交了給大會工作人員安排。睇返禮物箱的情況，最多是京和TO，其他人都比較冷清(毆)。全員的也不少。
8點左右入場，STAFF叫我們不要跑，不可能不跑吧！走到最正中位置，想不到MANGO和姐夫等都很快來到，連捲毛都很快出現在後面，算是齊人呢。其他虜友都企到自己心目中的位置。其實距離舞台有點遠的，大概有我成個人咁高，總之不是伸手可到的距離。由於會場無LOCKER所以大家都將包包放前面。本身前面只有兩行鐵馬一早就很擔心會不會中途倒了下來…然後和負責的哥仔講叫佢要小心D佢仲好串咁話自己都唔會頂到所以無打算頂實個馬，你老味呀。然後那個燥底的實Q大佬又走來鬧人，無啦啦叫人拎開曬D包包，之後又話要大家拎返走D包包…痴左咩線呀係咪玩野。最後是將包包放在通道上，其實台上望下來應該會覺得好好笑…ANYWAYS等到差不多8點9先開場就係睇佢地搞呢D無聊野。
已經唔記得佢地有咩BGM上台了，基本上我全場都只係望實京京所以連其他人做乜我都無留意…京京著左上次台灣個件黑色貼身恤衫，今次仲加左蝴蝶結同埋黑色小百摺裙(其實係4塊布分開的)仲帶左白色CON。一開場是「鬼眼」即係一來就要暴動啦，我在前面氣氛超好的因為大家都真係真心飯全部歌都識唱同玩，不過我前面的實Q就好忙因為佢地要即刻加馬同搵多D人幫拖，然後新換來的實Q又郁來郁去成日都擋住我視線，最大問題係我好驚我會唔小心打到佢呀嘛…。不過我都明佢地好辛苦的又唔知呢班迷妹為乜要亂咁尖叫，好啦都係想大家玩得安全又開心架姐。左邊個女仔同我講好似D聲好差咁聽唔到京唱乜我話係呀因為對喇叭係左右兩邊其實我地中間好難聽到靚聲…原來佢之前有去睇廣州場。
「鬼眼」同「ZOMBOID」都係跟返鬼葬順序，點知第3首突然來個「CHIAN REPLUSION」即刻人都醒曬呀！！大家都無理京京有冇比我地唱我地都照跟住唱了(笑)。點知之後即來「SUSTAIN」，平時聽已經覺得好感動呢家現場聽真係忍唔住喊，個種由心底湧上黎既感動真係爆曬燈！之後竟然係「鱗」！雖然聽綵排音漏都知有呢首歌但真係唱到又會好開心~超超超鐘意呢！！抖一抖，回一回氣，中段就係慢板情歌既天下，「24個CYLINDER」又係夢寐以求想聽的歌，好喇其實係前面我真係聽得唔係好清楚應該大部份時間我都係自行腦補不過視覺享受就滿分啦梗係！事實上京京都好落力，本身都驚佢係海外會比較靜態，點知佢今日又好似心情大好咁，不時行去台前又跳舞又扭腰連瞓地都出埋，真係比足面大家！！中間SOLO獨白無左不過京京都有跳下舞，佢成個人都好瘦小呀得個頭大好得意(毆)。「BOTTOM OF THE DEATH VALLEY」是新版，然後也是比較靜態的「輪廓」，其實這首歌很優美的，高音完全係PERFECT!!緊接「鴉」也是新版，回到「逆上」又是狂跳的歌，中間休息很夠呢。每次FING頭時頭髮都掃過實Q的頭佢一定好爽啦…緊接是「MR. NEWSMAN」！！！OMG又係好感動，鏡頭一轉突然來個「DOMESTIC FUCKER FAMILY」殺你一個措手不及全場一齊「FUCKER！FUCKER！」實Q哥哥一定覺得呢班人好可怕(笑)。玩得正開心之際原來「FLITH」已經係LAST SONG，雖然京京無講…然後京京係唱到「君と約束通りキスをしながら」時向我(呢邊既方向XD)飛左好大個飛吻呀!!!!!!!!!!!!!!!!!!!!!!!!!!!!!!!!!!媽呀我即刻噴血了這個攻擊力有夠強勁的啊!!!!!!!!!!!!!!相信前面有好多人死左(毆)。唱完就入返去，因為大家都唔知係本番既LAST都有DD SHOCK不過都好合作地一齊叫ENCORE。本身是想在ENCORE時唱THE FINAL比佢地的但可能無咩人知吧所以都無得唱了。我同實Q哥哥說叫他挨多3首左右就夠架喇…希望無打中佢啦。
ENCORE再上場，京京除左白眼CON，換左黑底白波點恤衫，可愛到爆炸(心)。成個少爺仔咁囉！老大換左佢件紅黑間冷外套我都好鐘意的，其他人都係唔記得。順帶一提老大當日的嘴嘴是紅X黑的唇膏啊好SEXY點解要用紅色??!!ENCORE入場用上「G.D.S.」又係瞬間陷入瘋狂狀態，估你唔到佢直落「JESSICA」真係除了尖叫還能怎樣LOL仲要播返當年MV條片媽啊我又穿越時空回到過去了，又想爆淚，一唱到「静かに君を待つ」京京一指落黎我地都一齊指返佢，等左你14年呀終於等到你話呢個等待有幾漫長呀真係！！點知佢仲黎多首「UMBRELLA」又係一齊HIGH翻天既時候啦，仲有京京既單眼閃閃呀，更出人意表既係佢仲HIGH到表演左一下蝦弓跳，一跳跳到半空咁高啊你都咪話叔叔(40)唔西利!!!我地台下都睇到呆左應該全場D口都變成左一個「O」字LOL佢究竟要幾開心先會咁樣彈出黎呢真係難得一見囉!!!跟住是新歌「詩踏み」，比起之前反應好，似乎大家都有溫歌吧，不過應該最熟都是「FALL FALL FALL FALL FALL」(NOT FUCK FUCK FUCK)實Q實心諗頭先先FUCK完呢家又FUCK既…係FALL呀。仲以為今次無咩機會聽到京京既咆哮聲好在都有聽到。然後佢叫左3-4次「HONG KONG！」之後就話LAST SONG，呢家佢地好鐘意用「UN DEUX」來做LAST呢，以為佢會播台灣條中文字幕片點知又唔係，原來係中間後段先有字幕。大家都把握最後機會走到台前，台下都好落力，整個會場一體感超好，唱完京京仲係咁笑住又話望到我地(即係指下自己又指下你)又拍曬心口咁話我地知佢聽到，真係甜到漏呀，仲好好咁走埋去台既兩邊揮手，痴線平時邊有咁好服務架!!!!不過見到佢玩得咁開心我都好開心啊，佢仲叫大家拍手，個個滿足樣真係值回票價有突啦!!!雖然都係無聖水但都好心滿意足了。其他人都遂一上前送禮比大家，老大仲有下嘟嘴(其實係微小既飛吻？)真係好得意呀ww心心就比較靜，好含蓄咁送完鼓棍就走左，die叔同toto都有送下毛巾咁，die叔仲好大力咁飛左條毛巾去後面，真係充滿活力呀！當佢地入曬去之後台上就打左呢個tour個名出黎，一邊播住音樂盒版既「THE FINAL」，死得了，已經係咁喊喊到唱唔到，個種喊唔係唔開心唔係失落而係剛剛相反，係太過開心太過幸福了，好似發左一個極美好既夢但終於要醒返，真係一時百感交雜，老實講近兩年去睇完佢地都好少會咁了，以前都會有的，尤其唱到某幾首歌我都會喊，但好似今日咁玩得咁開心佢地又開心真係好少，同埋今日個LIST好好，衰傷慘情歌都無乜，如果佢唱「蟲」「UNDECIDED」「EMBRYO」可能會變得好沉重(雖然我都好想聽)但整體落黎係十分輕鬆同埋好一氣呵成，相信佢地係選歌時都落左唔少心機。對比上次台灣的「mode of DSS」仲係有個種沉重氣場，今次「mode of 鬼葬」真係令人喜出望外！如果係日本玩相信都會好好玩，就好似之前去「mode of gauze」時咁，又去返當初相識既個種感覺，即時年輕返十年啊!!!我想話當時全場應該有好多人都係喊住咁唱「so I can't live so I can't live」個個情景真係我見猶憐，好陰公啊真係，喊曬口咁真係想點，明明前一秒仲係笑到鬼咁燦爛架嘛，真係此情此景此時此刻都永遠會留係腦海入面，何日君再來，希望不用再等14年吧，不過就算要我都會一直等落去，因為你們值得!!!!!
完場後其實沒有好大的依依不捨，只感覺完成了一件很偉大的事，而且感覺是一雪14年前的恥辱，可以好光榮咁同人講佢地再返黎香港係玩得好開心的！要感謝的人很多：謝謝卡路和雪人幫我買到好前的票，謝謝星幫我把BANNER改漂亮，謝謝姐夫和REA幫手取BANNER和準備其他物資，謝謝亞妹讓出前番的票給朋友，謝謝送我京上衣的MING，謝謝遠道來參戰的台灣朋友和日本組，很高興又能再次見到你們！還有謝謝當晚去參戰的虜，大多都好守規則，相信都是因為想留個好印象比佢地吧。我知道都仲有小部份人係拍照或影相，但有些事我們控制唔到，自己有做好就夠了，我相信MEMBER見慣大場面，由佢地當日表現睇就知佢地都不是太在意啦，好在無影響到演出，只希望如果有下次的話大家都能夠更遵守規則就好。本身亞妹唔係虜但我都叫她一起去，當年她也有去香港場，UROBOROS日武也有一起看，今次她在老大那邊都玩得好開心，好慶幸有叫她一起來。
其實在自己心中也有很多煩惱和問題，但每次都可以交給DIR去幫我思考，即使在平時也靠他們撐過了很多難關，他們讓我明白到「相信自己」是一件十分重要的事，人生不會沒有迷惘，其實每個人也一樣，即使是他們也同樣，但只要好好相信自己並努力做好，一定會有答案的。好感謝DIR，你們永遠是我人生的指導，一生的憧憬，多謝是我唯一要說的，期待下次再見。
後記：以前成日都會寫信比京京，已經有一段時間無寫了，今次來到地元當然要寫，我肯定他會看，希望可以將心意傳到比他吧。另外是由於企第一排的關係，後面有千軍萬馬之勢既人壓上黎，全身既瘀傷足足用左一個星期左右先退得曬，條頸頭3日根本痛到低唔到頭，看來除了是玩得太激烈就是老了，真的要好好鍛鍊下身體，成日都話唔睇LIVE唔知身體好，呢家睇都仲可以，之後復原得很慢呢。連REPO也要等了一個星期才有時間寫，幸好都沒有忘記太多，要好好靠住今次LIVE上獲得既勇氣繼續努力活下去先唔會浪費。