兩極。

住這邊已經一星期了，由最初覺得環境等等很差，到現在，感覺還可以，希望再住下去會再開心一些吧。暫時來說我這邊除左廚房都係DIRTY之外，唯一(真的是唯一)不好就是隔離房的德國女生經常晚上講電話講到好大聲…她根本就沒有壓低聲量的意思=3=" 雖然之前屋主都有提過，不過前晚那女生可是談到晚上兩時多才收聲！我都忍佢！但第二日我要一早起身呀嘛…唉…之後VAVA那邊就慘D，雖然有好好的德國男生幫她找到了工作，不過其他人都對她們很差，又屈佢地用別人的東西，我們可是十分遵守規則的！用的都是自己買的東西！仲要係唔知邊個執串話係我地用，痴線，呢D明屈！之後又話我朋友阻住佢用公家電腦，低能，我朋友只係用自己個電腦，你要用又冇出聲，其實個個都有自己電腦在房用，得鬧人個個人冇，佢都冇提出過，仲搞喊我朋友，真係好衰囉！見我朋友唔識日文就蝦佢…所以我同VA o係度時就會用日文同佢嘈XDDD仲有D台灣女仔，持住自己住耐左少少就成日都擺款，仲命令VAVA燒水！佢有病啊我地都係自己用自己燒之嘛！如果你係想大家都方便的話應該用好D語氣囉！低能真係唔知佢地咩事。

講完D唔開心野呢家講下開心野！

5號個日VAVA去難波HATCH睇A9！第一次去HATCH！我仲係著住SADS TEE去踩場XDDD不過我就冇睇LIVE，同埋個日睇到好靚的雲！

 

點解可是咁靚架！日本個天真係好好，成日都好清新，望住藍天白雲真係心情都舒暢D！ 又去左食餃子之王將，又平又好吃！不過成日食應該會好肥，HA，都係間唔中一兩次好。

6號就去機場接亞妹，呢度入機場都OK方便，係中間段路遠左少少啦…去到幫亞妹申請左個電話先，佢有新D的機款仲有特價！搞錯啊！我都想要(毆)！同埋佢勁快，我同個個人講我想去行街先，轉頭先拎，佢話可以10分鐘後比我！搞錯！我O係東京等左成個鐘！不過佢冇幫我開台，好在我都識開…亞妹佢地班機又早左，之後一齊出返去去酒店，勁難搵呀間野又遠！不過間房都幾好，放好野抹完我就去MEET返VAVA佢地，再返去煮飯。

　琴日就本來打算一齊去京都玩，但係約錯左地點，又唔識搭車，搞到分開左行，我地去左八坂神社，第一次去，真係好紅噹噹！同埋琴日天氣勁好囉，好曬=3=" 不過都好既，之後買左好靚的明信片！有D唔捨得用呀HAHA！然後去祗園，不過可能太早，見唔到D藝妓。之後去錦市場，好多淹菜呀！同埋海鮮個D！之後想去二條城，但係又落錯車…去到已經關門了…唯有下次再去。又有去手塚治蟲個WORLD，不過真係冇咩野睇呢。回程時買左100YEN一個的MISTER DONUT，好食呀！晚上都係回家煮飯，個變態男(鬧我地個個)佢係食凍冰冰的納豆+切碎的生洋蔥…好恐怖呀見到都覺得！之後出去接亞妹拎行李。琴日仲要買電話卡，咁快用曬o既d分鐘明明都冇咩用架啦…

原來有個師兄黎左東京大學教書！不過東京！咁遠！唔係都會去佢度玩下！想去圖書館！一陣出去拎行街紙先，睇下可唔可以開埋戶口…之後搵工！加油呀！！聽日仲可以同nero哥哥握手！好期得呀我個心跳左出來呀！！！！！