呀。

原來已經一個月多些了。
真係過得好快！同埋日子真係開心又咁過，唔開心都係咁過！大家一定覺得我黎左日本一定係日日都開心，事實上開心的事係有好多好多，但都有時有D唔開心，包括HOMESICK同埋所謂文化衝擊。
話說前幾日一早VA收到電話話呢邊屋主有野同佢傾，都預左係講我地比人投訴D事，咁我又換衫過埋去，勁大陣仗，連社長都出動埋仲帶多左條o靚，好在我地都有3個人！原來佢地話有人同佢投訴就係話我(地)阻住個common area…好無奈呀，我地日日都出去玩，只係食飯時間先會用個度，頂多咪一個鐘左右已經煮埋同食埋，前幾日先比d台灣妹話我地阻住佢，我地只係食完野想即刻洗碗，因為之前比佢話我地(其實我地冇食完唔洗只係未走，唔係走左去唔執)，咁諗住你煮飯就快d洗好比你用啦，點知就比佢話「你地用個時我地就等你，呢家我用你就唔好用住啦(口氣好差)」，勁無癮，我地唔執野又點比張檯你用，真係好心做壞事，最後佢煮完自己返房食，真係冇野好講。我地同社長講，佢地又冇同我地講話要用，況且平時d人行埋來我地都會讓開架啦，又從來都冇同佢地爭過tv睇，都唔明佢地o係度小氣d乜！之後社長話呢d係文化差異，話日本人好含蓄唔會表達，我心諗，咁即係台灣妹定係之前個日本仔，但係日本仔已經好幾日冇見到佢，同埋平時我地食飯佢都會照坐o係度囉！呢家真係一個謎，即係我地係咁比人蝦，根本個個都睇我地唔順眼咁。當然最主要都係指我話我係外人，其實我有同佢地講過我係住隔離個個hostel，咁我話如果係因為咁咁我至多咪唔過來囉，但係社長又話其實幾間hostel都係大家庭，又唔係完全唔可以過來，但係要留意，我想問要留意d咩，我只係食飯時間o係度，都冇賴死唔走至多用下個廁所但係用個時都係冇人等的情況先用…唔通佢地o係廚房裝左電眼，連我去廁所都check住？究到呢家真係冇心情過去食飯，食左都背脊骨落！屋主話等你同大家熟落左就會好d，熟佢個頭，班友仔根本就玩小圈子，之前有個新的HK女仔來，個台灣妹已經即刻拉攏佢，又問人一唔一齊買衫有特價，又唔見佢問下VAVA？擺到明唔妥我地，佢都痴線既…呢家唯一的解決方法就係我地搬，住得好無癮，黎左兩個WK已經不停比呢D無聊事煩住，又話我地偷用D野食(根本就係屈)又話我地阻住(唔否認我有用但係係同VAVA佢地一齊先用而且冇霸住囉)同埋D人根本就係針對…唉…總之就係煩！

仲有就係前兩日同亞妹出去搞証件時，無啦啦比兩個單車男叫停，原來佢地係便衣，佢話呢度近期好多強盜叫我地要小心，因為亞妹咩個袋咩得好出佢話叫佢要打斜咩會好D。最搞笑係佢問我地拎証件，我又問返佢拎証件睇(其實佢一開始有SHOW一SHOW不過我覺得會唔會係假架於是我又問人拎但係語氣係唔係敬語XD)，不過聽完之後都有少少擔心，因為平時有時都會夜返(講緊係十點幾已經熄左燈)，但係諗住會有閉路電視同埋都有見過夜晚有穿制服的警察巡街本身都覺得幾安心，但佢咁講完，又真係會有D野…總之自己會小心啦！

同埋呢家我個邊多左3個HK人住，講真唔係好慣，但係我呢邊D人反而係會有打招呼多DD，起碼唔係睇你唔順眼個隻…不過新來的兩個台灣妹有時都幾嘈，但係OK的！呢家係積極搵屋中，不過點都係比呢度貴少少，所以另一邊廂就係積極搵工中，但係未有回音XDDD所以變左就好似係積極玩樂中(毆)總之日日都係好忙咁！

生活報告…
9號去同MERRY握手，10號休息一下，11號PINK回HK前大家一齊去BIGECHO唱K，好抵啊FREETIME每人100蚊左右但係野飲任飲！仲要好多口味揀，計埋應該有20款！唱左4個鐘左右，之後我夜晚去睇12012。12號就同亞妹去搞証件，買左HBG本書有個好TAKERU的袋袋(心)！13號就去左開銀行戶口，一張CASH CARD有32款色揀真係好令人煩惱(毆)！之後去左食890YEN的任食壽司，痴線呀包到癲左！但係有一半以上都係食甜品而唔係壽司囉(毆)！食包完再去0101 JOIN CHACHA一齊食個COLD STONE炒雪糕夾餅，因為太飽了所以5個人只點了3個，買一送一但只能用一個所以除開都係抵！而且好新鮮熱啦啦好好食呀，有好多唔同口味揀！食完之後行多陣街就返來，不過都飽到唔洗食飯…琴日就係amai day！同chacha一齊睇kannivalism！超正！所以又要開始寫repo喇！今日就約左住在大阪的虜友見面！第一次見啊識左佢3年幾！好緊張！唔知佢會帶我去邊度玩呢？好期待！

最近上網成日都斷線，真係好麻煩呀！唔通係因為多左人用所以成日都斷？