mamamacau

慶祝老豆生日所以一家人去澳門玩返兩日！
星期六一放工就同埋亞妹出發~
食左個好好食的下午茶，真係好好食呀！
一落船就去食buffet，個焦糖蛋超超超好食(我平時唔鐘意食架！)
食到好好好飽之後出去影下相
估唔到竟然會有3d mapping既表演，都做得唔錯！
之後出發去睇hush音樂節，但係去到漁人碼頭竟然咩都冇
問d人又唔知，叫詢問處小姐上網查又話冇
最後要打電話返hk麻煩chiharu幫我查…orz
好在去到都仲係setup緊，差不多10:40pm先開show
都好多人，我地企下手第二行邊邊位，睇得好清楚！
音響一般，但佢地都好落力啊~今次是3年前睇ote後再睇giruru
感覺好像又不同了，不過他們的歌很易玩，完全唔識都冇問題(毆)
小左成個佬咁…都有好多fans去，所以都睇得幾開心！
睇完之後都十一點幾，又唔識路行返去酒店…問人…例牌唔識又要老點
搞到返到去都十二點幾，最慘係間房入面收唔到wifi，無錯，係wifi都收唔到！
真係orz…訓醒條頸好痛wwww呢家都好痛，明明唔係fing左好耐o者！

今朝又係行來行去兜左n次，食左早飯就同亞妹去行行
去了大三巴，食左個土耳其雪糕，靚仔哥哥既跌雪糕表演嚇親我ww
之後亞妹去食DQ雪糕，玩刷刷卡又送多杯！於是又食埋~好食呀！
因為比人老點的關係著錯衫，熱到飛起…又勁好大陽勁曬
條街勁多同胞，真係冇咩心機行… 想搭巴士，問人又唔識路…
我發現佢地好唔友善，明明係好近的地方但係都話唔識
近到係可能我係旺角問油麻地係邊…真心嬲囉…
連巴士司機都老點我地行左好多冤枉路…去唔到坐纜車
真心我問左不下十個唔同人，每個人都係唔知唔識唔清楚
有冇可能呀？！唉…總之就覺得好失望…

同亞妹行行下比我地搵到個好正的地方~
有好多唔同的塗鴉！好多都想影但係亞妹又冇心機影…
下次有機會想再去慢慢影！(不過短期內都唔想再去！太嬲！)
啊，同埋今次入賭場都仲係比人問身份証…
最搞笑係亞姐睇完之後，一臉茫然…haha

然後…

出發前同友人傾左好好好耐…多謝你
「唔洗醒

成世人都係一場夢

醒果刻 你就去左另一個世界架啦」

個一刻真係差D 喊
可能又因為前一晚真係身體好唔舒服啦，又睇左恐怖野又驚
如果成世人只係一場夢
其實只要ENJOY到`就會好…
不會想說永遠都不要醒
但希望醒既時間唔會同大家相差太遠…
 可以係呢個時間遇到
學老公話，係一個奇蹟
感謝真心對我的朋友們(心)